Si bolet sighire a isperade de abarrare in Sèria A, su Casteddu oe a Ùdine depet bìnchere ebbia.

Notesta su Casteddu si depet iscarèssere sa partida de sàbadu binta 4-3 contra su Parma, a pustis de una gherra in campu. Su pensamentu depet èssere totu pro s’Udinese, un’iscuadra istragosa meda, mescamente cando giogat in su Dacia Arena.

De bonu pro is sardos ddoe est ca is aversàrios ant a calare in campu sena su giogadore prus balente issoro, su tzentrucampista De Paul, chi at a brincare sa partida pro un’iscualìfica. Difatis s’argentinu est su puntu de riferimentu de is friulanos e no at a èssere fàtzile pro s’allenadore Gotti a ddu cambiare cun un’àteru giogadore.

A is òmines de Semplici ddis at a serbire puntos pro nd’essire dae sa zona retrotzessione, e in custa isfida ant a dèpere dimustrare totu su valore issoro. Pro cussu s’allenadore ruju-blu at a fàghere pasare calicunu de is giogadores chi ant giogadu in partida contra is emilianos. Fortzis Rugani e Pavoletti ant a cumintzare sa gara dae sa banchita e a su postu issoro, dae su primu minutu, ant a calare in campu Cepitelli e Simeone. Ma in su retàngulu birde ant a pòdere agatare postu in sa formatzione titulare Pereiro e Cerri, is òmines chi ant fatu bìnchere su Casteddu in s’ùrtima giorronada de campionadu.

Pro is sardos at a mancare galu su portieri Cragno – pro more de su Covid-19 – e in porta ddoe at a èssere galu su gióvanu Vicario – chi est istadu impreadu in is ùrtimas partidas coladas – .

Pròpiu in su campu de Ùdine, in s’istajone 2007/2008, su Casteddu s’est sarbadu in sa penùltima giorronada , gratziàs a is gol de Acquafresca e Cossu – su primu cun sa màglia ruju-blu – bìnchende 2-0 contra is biancu-nieddos.

Isperamus chi su Friuli batat bene a is ruju-blu.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”

A pustis de bator partidas pèrdidas de fila de pare, cras a sero, su Casteddu at a afrontare su Parma.

Pro is duas iscuadras is tres puntos ant a èssere s’ùrtima ispera pro chircare de abarrare in Sèrie A. Difatis su Casteddu e su Crotone sunt totu e is duas in zona retrotzessione e a s’acabbu de su campionadu 7 mancant partidas ebbia.

Pro cussu su Casteddu de depet ismentigare a lestru sa gara contra s’Inter – pèrdida a Milanu pro 1-0 pro more de su gol de Darmian – e torrare a pigare s’àndala pro pòdere abarrare in sa màssima categoria de su fùbalu italianu.

Contra is emilianos at èssere una partida istragosa meda pro is ruju-blu, ma tra is muros amigos de sa Sardigna Arena is òmines de Semplici sunt is favoridos.

Is ruju-blu ant a fàghere bìdere s’apretu e sa gana de fàghere puntos, netzessària pro chircare de adderetzare s’istajone. Diat a èssere una làstima a s’arrèndere pròpiu immoe, pro ite su Casteddu, in is ùltimas partidas de s’istajone, podet galu nàrrere sa sua.
PROVIGIL (modafinil) is a wakefulness-promoting agent for oral administration. Modafinil is a racemic compound. The chemical name for modafinil is 2-[(diphenylmethyl)sulfinyl]acetamide.
PROVIGIL® (modafinil) Structural Formula Illustration

Modafinil is a white to off-white, crystalline powder that is practically insoluble in water and cyclohexane. It is sparingly to slightly soluble in methanol and acetone.

Tzertu is iscuadras chi sunt a in antis de is sardos non sunt perdende puntos, ma in su fùbalu non s’ischit mai comente ant a pòdere andare is cosas.

Su capitanu de is ruju-blu, Joao Pedro, at a èssere su giogadore chi diat a pòdere fàghere sa diferèntzia. Un’àteru diat pòdere èssere su tzentrucampista Nainggolan, e no ismentigamus de s’atacante Pavoletti, chi at fatu bìnchere is sardos a Crotone, s’ùrtima bia.

In medas però si dimandant: at a bastare a bìnchere contra su Parma custa gara, pro fàghere torrare sa gana a s’iscuadra pro si sarbare e fàghere bìdere sa balentia issoro a is tifosos casteddajos?

Pro immoe ant a èssere importante meda custos 3 puntos de sàbadu e a pustis at a tocare a giogare totus is partidas chi ant a mancare comente chi esserent finales.

Diat èssere una cosa fea a beru calare in Seriè B pròpiu in s’annu chi si festant is chent’annos de sa nàschida de su Casteddu.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22”