Sa bella aventura de Cristian, chi dae una die a s’àtera at detzisu de lassare totu e de cambiare vida. Como biàgiat fatu de s’Itàlia cun su caddu Furia. Sos duos, como, s’agatant in Sardigna. Andamus a connòschere s’istòria ispantosa issoro.

Su nùmene miu est Cristian Moroni e paris cun su caddu suo, Furia, dae una die a s’àtera at detzisu de lassare totu e de fàghere unu biàgiu fatu de s’Italia. Est a beru. Cristian at detzìdidu de printzipiare una bera aventura in gropas de su caddu suo. Ma su de Cristian no est unu biàgiu ebbia. Difatis issu in ogna tapa acanta si firmat si ponet a fàghere initziativas de benefitzèntzia in su territòriu. Como s’agatat in Sarsigna.  Cristian est unu pitzocu romanu ma de ratza sarda. Su 24 de maju de su 2021, cun Furia, s’ebba inseparabile su, at inghitzadu unu biàgiu chi in 15 meses l’at giutu a girare s’Itàlia. At mòvidu dae una bidda de su Làtziu cun 300 èuros ebbia in butzaca. At lassadu totu pro dedicare a tempus presu a  custa aventura bella meda chi l’at permìtidu de connòschere logos, terras, usàntzias e gente noa.

In custa aventura sua su cadderi romanu at pensadu fintzas a sos àteros, difatis at agatadu su modu e su tempus de fàghere initziativas chi tenent iscopu sotziale. Gràtzias a sos assòtzios chi l’ant dadu ricòveru, organizat pràngios e chenas chi serbint a regòllere dinari pro initziativas de benefitzèntzia in su territòriu.

Pròpiu eris, in  Frùmini Mayori, cun s’agiudu de s’assòtziu suo de volontariadu CRISTIAN E FURIA ODV, at ammaniadu una chena in collaboratzione cun su comunu de Frùmini Mayori e cun su comunu de Buggerru: su dinari chi est istadu regortu at a èssere donados a s’assòtziu “Amici degli  Onlus”, chi s’agatat in Gonnos Fanàdiga, chi intro su 30 de mese de làmpadas 2013 devet libertare s’istrutura acantu s’agatant pro more de un’ordinàntzia chi l’at impostu s’isgòmberu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Si est custituida in su notaju sa Delegassione po Poderare sa naschida de sa IGP porcheddu de Sardigna, e si est assemidada in manera uffitziale sa Delegassione Iscentifica, chi in sa prima assortida, fatta in Macumere, in s’agentzia de Contas, su 15 de Abrile, at tribagliadu po approntare, medas puntos de su regolamentu de produssione de custa saporitesa totta sarda.

S’intentu, preparare sos documentos chi serbint de presentare a sa Commissione Europea po alcansare su riconnoschimentu de s’arrennomini IGP e faghere naschere una delegassione chi tenzat commente faina printzipale cussa de creare un’unione de sos pastores, masellajos e sos trasformadores de s’eccellentzia sarda, chi potant ordiminzare una filera e dare unu fentomu balidu a su mercadu, po tottu cussu chi appartennet sas fases de pesadura e de trassa de sos porcheddos chi teppent andare a su mercadu.

A sa mattessi manera,bardare sa produsssione locale sarda dae su periculu de battire importassiones chentza controllu perunu, e duncas tutelare s’issida de su prodottu. Unu arminzu balidu puru po sos consumadores, chi ant podere tennere unu trattadore chi potat garantire supra su rispettu de unu regolamentu de produssione. Fases importantes meda, cussas de sa naschida de sas duas delegassiones.

Importante meda at essere sa retza de sos sardos in Italia e in su mundu: su motivu de sa presentzia in sa delegassione de Bustianinu Mossa, presidente de sa Fasi, sa retza de sos corriglios sardos in Italia.”Sos emigrados” si dant itte faghere in cust’intentu commente consumadores,sustenidores,ambasciadores, narat Mossa. Semus 2,5 miliones sos sardos fora de sa Sardigna, ispartinados in tottu su mundu.

Solu in Italia sa Fasi contat casi 30.000 iscrittos, in 68 delegassiones presentes in 12 regiones de s’Italia. Sa pius a mesudie est Ciampino. Su tzentru e su norti de s’Italia sunt su puntu de arribu menzus de operajos, pastores,sordados e istudiantes ligados in manera chi non si podet isligare dae sa cultura sarda chi prima de tottu est sa cosa de mandigare. Esist commente una venerassione de su porcheddu. E difattis partizas sunt sas initziativas chi tenent commente base custu prodottu pittitteri.

Tenimos po custu un’istruttura de negossiu de produttos de calidade funguda, a sa cale si diritzant sos sardos emigrados.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22