Lighende un’articulu bogau de su blog de s’istudiosu Frantziscu Casula Truncare sass cadenas, a tìtulu Lingue povere lingue ricche, semus  lòmpios a a su cunsideru chi  unu massau bolotanesu ci connoscet bene sa limba sua, su sardu de Bolòtana at a allegari  unu sardu prus erricu de cuss’italianu ci si podet agatari in medas librus e òperas contàs po eèsere èperas de grandu valore. E agiungu eo, manneddu miu, ca allegàt in sardu ebbia, teniat una connoscènthia de su sardu prus manna de cantu la podat tènnere cale ca siat studente universitàriu sardu ci allegat s’italianu. In sardu manneddu miu nce dda fait a esprìmiri totu is sentimentos , is ideas, is sperànthias e is spetativas ci tenait prus de cantu unu picocu sardu de oe chi allegat in italianu podat fàiri.

Mancari calincunu podet narri ca manneddu miu, e peri cussu massau bolotanesu ci fui nandu, non isciant allegari de Sant’Agostino, de Dante e nimancu  de psicanàlisi, o de processos chìmicos e de missilìstica; est a beru, made cussus argumentos non ndi iat ari  pòthiu narri nudda  mancu Marco Tullio Cicerone, s’oradore oratore sena duda intelligente e istudiadu.

Tzitzerone est unu de sos iscritores latinos chi prus de totus at allegadu male de sos Sardos e de sa Sardigna.

S’oratzione, de s’annu 54 a.c. est in defensa de Emilio Scauro ex guvernadore de sa Sardigna. Custos est acusadu de tres “crìmines”: àere abbenenadu in su un’ispuntinu Bostare, tzitadinu ricu de Nora, pro s’impossessare de su patrimòniu suo; àere molestiadu sa mugere de Arine, a su puntu de divènnere amante suo. Pròpiu pro custu motivu, durante s’oratzione sua in difesa de Scuro aiat naradu contra a sos sardos:

«Sa ratza prus ingannadora, comente nos atestant totu sos documentos de s’antighidade e totu sas òperas istòricas, est cudda de sos Fenìtzios. Sos Pùnicos, chi sunt discendentes issoro, non si sunt ammustrados, si pensamus a sas medas rebellias de Cartàgine, a sas numerosas violatziones e segaduras de patos, fìgios degenerados. Sos Sardos, chi dipendent dae sos Pùnicos gràtzias a unu mescuritzu de sàmbene africanu, non sunt istados giutos a Sardigna comente  colonos normales istantziados in cue, ma comente su refudu de colonos de sos cales si nde lìberat”.

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22