S’Anteas Ogliastra est galu in prima lìnia pro agiuare is famìlias in dificultade.

Is obietivos de is progetos sunt: agiuare is famìlias in dificultade econòmica manna e promòvere su balore de sa solidariedade e de su volontariadu.

Bidas is cunsighèntzias de s’apretu COVID, s’assòtziu de volontariadu ANTEAS OGLIASTRA impreat dae sa càscia sua sa summa de 5000 € pro finantziare is progetos “Momenti Solidali”, “Aiuto alimentare Domenica 20 Natale 2020”, “Aiuto alimentare emergenza 2020” e “Spesa Diffusa 2020”.
“Spesa Diffusa 2020”
Si tratat de un’ispesa de €2500.00 de produtos alimentares de prima netzessidade chi de donare a is famìlias bisongiosas in is 23 paisos de s’Ogliastra dae banda de is voluntàrios residentes in ogni bidda
“Aiuto alimentare Domenica 20 Natale 2020”
S’Anteas Ogliastra e is tres parròchias de Tortuelie organizant una regorta de benes de prima netzessidade pro sustentare unas cantas famìlias de su territòriu chi bivent unu perìodu de dificultade manna causadu dae sa crisi econòmica e dea s’istadu de apretu dèvidu a sa pandemia. S’Anteas Ogliastra, cun su coordinamentu de s’Anteas Sardigna, at detzìdidu de contribuire cun s’agiudu de is voluntàrios e cun su contributu pro s’achistu de alimentos comente arrosu, tzùcaru, pasta e ògiu. S’Anteas Ogliastra contribuit cun 70 pachetes alimentares cun unu costu de 1000 € e sa presèntziat de is voluntàrios pròpios.
“Momenti solidali”
Su servìtziu “momenti solidali” diat chèrrere cuntzèdere unu momentu de addòbiu e de cunfrontu subra is problemas de sa persone. In custa ocasione ant a bènnere regalados panetones a is persones no autosufitzientes e famìlias in dificultade pro in festasd de Paschigedda e Annunou.
“Aiuto alimentare emergenza 2020”
In collaboratzione cun sa Caritas amus postu a disponimentu € 1000,00 pro s’achistu de produtos alimentares de consumare pro sa preparatzione de is pastos caentes pro is persones bisongiosas chi andant a papare a sa Caritas.

In arrivu dae sa secunda edissione de s’Oscar de sas Regiones , unu abbenimentu istravanadu chi at a tennere in su coro chi toccheddat de Roma, intro de sos conas istudios de Cinecittà: Custa proa, naschida cun s’intentu de dare gabbale e visibilidade a sas tradissiones e produssiones regionales de eccellentzia, si arviat commente un’occasione unica po tzelebrare sa ricchesa e diversidade de sas terras nostras italianas..

Sa Sardigna, cun sa cultura sua de mizza annos e sas tradissiones chi , accisant, at essere interprete chentza discussione de custu istravanadu abbenimentu. Feminas e omines bestidos cun sos ispantosos costumenes de sa tradissione, ant essere prontos a bogare a campu una variedade manna de ispettaculos chi ant andare a daenanti in sas duas dies de festa.

Unu donu chi drinnit a una tradissione chi affundat sas raighinas in su passadu e chi sighit a brillare cun sa lughe sua in su presente. In mesu de sos ispettaculos pius ispettados bi ant essere sas Mascheras, custodes autentigos de una tradissione longa casi 3.000 annos. Custas figuras prenas de misteru anti isfilare cun destresa in sa Cinecittà Street, accumpanzadas dae sos sonos galanosos de sos marratzos.

In mesu de issas, s’Orku, una maschera cun su corpu de omine e sa conca de animale, imboligada in d’una pedde niedda de animale, cun corros longos supra de sa conca e carrigas de marratzos, chi at essere sa reina assoluda de
s’isfilada. Accanta a issa, sos Mustayonis, bragosos portadores de sa tradissione, cun sas pertigas de ozzastru e sas cannas, bestidos cun beistires betzos e muccadores nieddos in conca, chi ant affadare su pubbricu cun sas istravanadas movidas insoro.

Ma s’Oscar de sas Regiones non si at a firmare solu a s’ispettaculu chi si podet biere: sos visitadores ant a tennere s’occasione de si affundare in sa cultura sarda po mesu de unu beru percursu de su gustu. In sas carrelas de Cinecittà World, ant essere presentadas operas de magistros fattas in suerzu, podottos de mandigare e ispecialidades de sa Sardigna, commente sebadas e porcheddos coghinados in sa brasia. E po accumpanzare custa esperientzia unica de sos sensos, no ant a mancare sas birras de sos magistros de sa regione, chi ant a delissiare sa ucca de tottu sos presentes.

Ma s’Oscar de sas Regiones non tiada essere cumpridu chentza sa musica chi at accumpanzare sos ispettaculos. In su mentres de sas duas dies, su pubbricu at a podere godire de musica dae su bivu, antiga e de sa tradissione sarda, po arrivare a sas interpretassiones de sas cantones pius famadas commente cussas de sos Tazenda e de Piero Marras. E po unu toccu de maghia in pius, no at a mancare s’ispettaculu chi che ogat s’alenu de Feuer Frei, una truppa de artistas chi ant a ballare sighinde sa musica imboligada dae su fogu e su laser, donande un’ispettaculu chi non si at a podere ismentigare e chi at a dassare tottus chentza alenu.

S’Oscar de sas Regiones, duncas, at a donare duas dies de ispantu e emotziones, un’occasione istravanada po si affundare in sa bellesa e sa diversidade de sas tradissiones italianas e bivere un’esperientzia chi non
si at a podere ismentigare e chi at addurare imprentada in sos coros de tottu sos chi ant a partetzipare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22