Mentres s’audentzia cuntzessa dae Papa Frantziscu po sos vintibattoro annos dae sa fundatzione de TV2000, s’archipiscamu de Casteddu, Zuseppe Baturi, nodidu puru commente segretariu de sa Cunferentzia
Episcopale de s’Italia, at presentadu a su Papa una littera affriscionosa dae parte de Beniamino Zuncheddu.

Beniamino Zuncheddu, 59 annos, de Burcei, at dae pagu alcansadu s’assolutzione, passados trintatrese annos, dae s’accusa de essere s’autore de s’abbasattu de Sinnai. S’addobiu de s’archipiscamu e su Papa bi est bistadu po s’udientzia dedigada a sos dipendentes de TV2000, cunfrimande s’importantzia e sa desampladura de sa situassione.

Sa littera de ringratziamentu, frimmada siat dae Zuncheddu chi dae su vicariu de sa bidda, don Zuseppe Pisano, est bistada intregada a s’archipiscamu in d’unu addobiu fattu in tempus passadu, in sa cresia de sa Parrocchia de Burcei, chi est bistadu fattu su 20 de Bennarzu. In su nuntzu, si espressada s’ingraenzu mannu po Papa Frantziscu, po s’attentzione dimustrada po custa muda zuditziaria, evidentziande sa volontade de espressare custu sentidu, prus in intimidade cun d’una udientzia privada.

Sa dimanda de un’udientzia privada cun Papa Frantziscu, cumproada s’importantzia de custu capitulu in sa vida de Beniamino Zuncheddu, evidentziande su disizzu de espressare de pessona, sa riconnoschentzia po s’azzudu retzidu in custu diffitzile percursu de sa lezze. S’archipiscamu Baturi, faghinde de cumponidori infra Zuncheddu e su Papa, at fattu in manera chi custa dimanda si poteret faghere, coffuzzinde unu faeddu prus personale importante intre sos chi deviana allegare.

Sa muda de Zuncheddu, commo assoltu, est diventada una figura de isperantzia e de zustissia, e sa dimanda sua de un addobiu privadu cun Papa Frantziscu est una manera chi si podet tanghere po espressare s’ingraenza sua e sa riconnoschentzia po su accotzu rezzidu in d’unu momentu goi diffitzile de sa vida sua.

Sa presentzia de TV2000 e de s’archipiscamu Baturi in custu cuntestu, dimustrada s’importantzia de s’azzudu e de s’attentzione, puru dae parte de sa Cresia, in situassionese de zudissiu meda diligas, chi i commente custa borta ant bidu un’innotzente colare 33 pretziados annos de sa vida intro de una galera.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa fine drammatiga de su zovanu benturzu Arricelli, pustis de su bolu attrividu dae sa Sardigna a sa Sicilia, nos ammentat sos arriscos de sos movimentos de ispartinadura de sos zovanos alabros.

Su destinu sou, interrumpidu cando fit bolande supra su mare in mesu de Punta Raisi e San Vito lo Capo, nos ponet daenanti a sa debilesa de custas creaduras magniffigas, in d’unu mundu semper pius bortadu a sos interessios de sos
omines.

Arricelli fit unu de sos 15 benturzos de sa colonia noa de su Sarrabus- Gerrei, e sa perdida sua est una disgrassia non solu po sa comunidade iscentifica chi lu compudabat, ma puru po tottus sos chi appretziant e si affuscant de sa rimunida de sos animales arestes.

Bell’e chi non tottu est perdidu. In su mentres chi pranghimos sa perdida de Arricelli, semus animados dae sos sutzessos e dae sa resistentzia de sos atteros membros de sa colonia de Villasalto. Su benturzu Sannicolò sighit s’iscumbattamentu de sa Sardigna, ispinghindesi cun atza in medas regiones de s’isula, cun su bentu chi che lu diat leare fintzas in Corsica.

A sa mattessi manera, sos atteros benturzos commente Sinnai,Ballao,Gerrei,Armungia,Quirra e Muravera, mustrant unu adattamentu chi surprendet meda, addurante po su pius tempus in sa sura de sos Sette Frades, ma iscumbattande puru iscroccas pius attesu, ma torrande semper a sa sicuresa de sa gabbia Forestas. S’azzudu de sos pastores, commente sos frades Aledda, est importante meda po garantire unu approvistamentu de cosa de pappare po sos benturzos.

Su rolu insoro non solu assicurat chi custas creaduras ispantosas potant bivere, ma azzuat puru a su sutzessu totale de su disignu po conservare sos benturzos, apparande unu ispartimentu ecologicu de sas carasas chi faghet bene siat a s’ambiente siat a sa comunidade locale.

In su mentre chi pranghimos sa perdida de Arricelli, rennovamos s’impignu nostru po diffendere e preservare sas zenias minettadas, pro itte atteras disgrassias commente custa si potant iscansare e chi su chelu sigat a essere surcadu dae sas alas de custos alabros magnifficos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22