Fintzas cust’annu, sa Sardigna, presentada una de sas prendas suas, po partetzipare e chircare de binchere su titulu de “Burgu pius bellu de s’Italia”. Arbatax si est preparande a gherrare cun sas atteras prendas chi arrivana dae divressas regionae de s’Italia, cun s’obiettivu de conchistare su coro de sos chi sighini Rai3.

De sicuru, protagonistas ana essere sos zassos chi l’ana resa tzelebre fintzas a commo: sas roccas Rujas(chi medas connoschene commente sa sea de su polfiricu ruju(supra de su mare), sa meravizza de Cala Moresca e sa bella e pitticca Cala Genovesi: Ma non solu: sos tzittadinos de origine Ponzesa, s’istoria, sa traditzione e sos carrugios chi pigana in artu e sunu caratteristicos e chi no si podene ismentigare.

S’appuntamentu est fissadu onzi dominiga a sas 17.15 in, Rai3, intro de sa trasmissione Kilimangiaro. Arbatax ada podere mustrare a tottus sa bellesa sua, s’istoria e s’autenticidade, gherrande cun atteras localidades italianas famadas meda, po binchere su titulu. Custu momentu, rapresentat un’occasione chi non si ada a torrare a presentare, po faghere cumprendere sas caratteristicas chi faghene de Arbatax, unu logu ispetziale.

Sa partecipatzione e su accottu de sa comunidade, serbini meda po chircare de arrivare a sa bittoria finale. Su tempus de sa votatzione cuminzada su 25 de frearzu a sas 17.15 e ada andare a denanti finzasa a
su 17 de Martu.

Sos appassionados e sos chi ammirana Arbatax podene sustennere sa idda votande, una orta a su die in su situ uffitziale de sa Rai.

Custa, est po sa comunidade un’occasione po dimustrare su accottu a custu burgu isplendidu e lu faghere diventare su menzus de s’Italia. Custa gara no este solu po sa bellesa de su paesaggiu de Arbatax, ma est puru una occasione po tzelebrare e promovere sa cultura sua e sas traditziones chi lu rendene unu burgu unicu in su genere sou. Onzi votu
ada a servire po faghere risplendere Arbatax a livellu natzionale e fagher connoschere a tottus sas meravizzas suas, chi andada pius a denanti de s’aspettu visivu.

Sa Sardigna intrea si ponede paris commente una oghe sola po sustennere Arbatax in custa gara emotzionante meda, cun s’isperanzia de bidere ponnere in artu su premiu “Burgu pius bellu de Italia”. Sustennere Arbatax cherede narrere tzlelebrare non solu sa bellesa sua, ma finzas s’anima e sa vivesa de una comunidade chi tenet meda de apparare a su patrimoniu culturale italianu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22