In su coro de Casteddu, su pùgile sardu Patrick ‘Paki’ Cappai at triunfadu conchistende su tìtulu mundiale Silver Youth in una partida emotzionante contra su nicaraguesu Darwing Martinez, acabbadu a is puntos in favore suo.

In comintzu, s’aversàriu suo diat àere dèvidu èssere Jérémy Bernardin, unu boxer frantzesu. Nointames, a càusa de tzircustàntzias istraordinàrias, Bernardin no est resèssidu a artziare in su ring de su Palapirastu. S’istampa frantzesa at nadadu chi s’atleta no est resèssidu a nche pigare a pitzu de su cuadradu de giogu pro more chi est istadu arrestadu cun s’acusa de fura de un’autocarru, rendende impossìbile pro issu pigare s’aeroplanu pro nche lòmpere a Sardigna. Nointames is tentativos de is legales de Bernardin de negare s’interessu de su pùgile in s’intzidente, s’ausèntzia improvvisa sua at custrintu a unu càmbiu de programma.

Is operatziones de pesu sunt istadas fatas in s’Hotel Best Western de Quartu. S’organizatzione aiat mandadu unu comunicadu ue s’ispiegaiat chi Bernardin non si fiat presentadu in aeroportu in Frantza, ma sena ispetzificare su motivu. In cuddas oras però in Frantza est essida a campu s’operatzione anti-criminalidade mutida Tempête Tsur, cun 370 politzotos in atzione in sa Marna, in s’Arta Marna e in sa Mosa. Tra is vàrias inchestas abertas, cussa contra s’autore de una fura de unu autocarru mannu cun duos bariles de carburante e atretzadura de diversa genia.

Sa serada de pugiladu, nointames, est sighida sena perunu impedì, gràtzias a s’interventu de sa WBC, chi at designadu Darwing Martinez comente supridore, a su postu de Bernardin. Lòmpidu a note a Casteddu, Martinez at afrontadu Cappai in una gara afrantzadora, ma a sa fine est istadu Cappai a nde essire capione.

Una dimustratzione indimenticàbile de su talentu e de su determinu suo chi at giutu Patrick ‘Paki’ Cappai a si laureare campione de su mundu Silver Youth. Si tratat de una saitsaftzione manna pro s’isport isolanu, mescamente pro su pugiladu sardu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22