Su PLUS Ogiastra presentat unu servìtziu nou dedicadu a sos Apretos Sotziales, chi punnat a frunire amparu continu e coordinadu pro afortiare sa comunidade ogiastrina. Su nùmeru chi tocat a mutire est su 070.15257237, ativu 24 a sa die, sete dies a sa chida, cun sa durada de s’annu.

Custa initziativa faghet parte de una rete de atziones de interventu chi tenet sa punna de gestire sos apretos de caràtere sotziale, interessende una meca de comunos ogiastrinos. Sos comunos interessados includent Àrthana, Baunei, Barì, Baunei, Cardedu, Elini, Gàiru, Gelisuli, Irbonu, Jersu, Lanusè, Loceri, Lotzorai, Osini, Foghesu, Seui, Talana, Tertenia, Tortolì, Triei, Ulassa, Orthullè, Ussassa, Biddamanna Istrisàili. Custu servìtziu est meda de prus de unu simpre sustennu lestru; si cunfigurat comente  una bera e cabina de regia dedicada a balutare sas situatziones emergentes e a coordinare sas atziones netzessàrias pro risòlvere sas problemàticas signaladas.

Intre sas situatziones afrontadas, podimus remonare sa sostitutzione de unu operadore familiare (badante) in casu de sua indisponibilidade improvisa e temporànea. In prus, su servìtziu s’òcupat de momentos de fragilidade psicològica, istados de abbandonu, isulamentu domèsticu e inagibilidade temporànea de s’abitatzione.

S’acostamentu de custu nùmeru nou de apretu sotziale est cunformadu a s’eficatzidade e a sa prontesa, cun s’obietivu de garantire una risposta lestra e coordinada pro cada apretu signaladu in sa comunidade ogiastrina. S’ativatzione sua rapresentat unu passu de importu in su fràigu de unu tessutu sotziale prus forte e resiliente pro afrontare sos disafios fitianos. Sa cobertura de su servìtziu, allargada a totu sas dies de s’annu, testimòniat s’aficu costante pro garantire sa seguridade e su benèssere de sos chi bivent in sas biddas de s’Ogiastra. Pro informatziones prus a sa minuda  e pro otènnere assistèntzia, est possìbile  mutire su nùmeru dedicadu 070.15257237, unu puntu de riferimentu essentziale  e de importu mannu pro afrontare sos apretos sotziales e consolidare su sentidu de comunidade in sa terra ogiastrina.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22