Andrea Soriga, su parruchieri de sa provìntzia de Casteddu, est unu de sos parruchieris prus chircados dae sos personàgios famados de sa televisione e de sos mèdias sotziales.

Est issu su prus chircadu dae sas imprendidoras digitales de su momentu. Andrea Soriga at cumentzadu sa carriera sua dae su nudda, ma a papagu s’est fatu connòschere dae sas influentzadoras de su mundu de s’ispetàculu e de sos mèdias sotziales. S’acontzadura de Elodie pro Sanremo est sa dua, e dae calicuna chida Andrea Soriga est intradu a sas “iscuderias” de s’influencer prus famada de su mundu, Chiara Ferragni.

In su profilu Instagram cosa sua, in sas informatziones, si podet lèghere: “Vivo a Milanu, ma so fatu in Sardigna”. Est presente in medas fotos de sas istellas de s’ispetàculu seghende pilos e faghende acontaduduras a Chiara Ferragni, Elodie, Giulia De Lellis e Giulia Salemi e sa cantante Gaia pro nde tzitare una pariga ebbia. Ma Sorifa est istadu fintas su parruchieri de sa mugere de Ronaldo. Cun base a Milanu ma originàriu de sa provìntzia de Casteddu, realizat sas acontzaduras de sas fèminas prus connotas de s’ispetàculu italianu. Medas nd’ant a àere intesu faeddare s’annu coladu, cando s’est ocupadu de s’acontzadura de sos pilos de Elodie, chi s’est presentada a Sanremo cun un coa de caddu chi intro de pagu tempus at fatu su giru de apretzamentos in sos mèdia e retes sotziales, pro sa de 71 editzione de su Fèstival de Sanremo.

Ma su giòvanu talentu sarsu, cun base in Milanu, est in annos oramai chi avalorat cun sa creatividade sua sas acontzaduras de pessonàgios de s’ispetàculu comente sas influencer Giulia De Lellis e Giulia Salemi, e sa cantante Gaia, de sos àteros. Peruna iscola professionale de parruchieris a palas, ma meda gaveta in sos salones de bellesa de Casteddu e de s’inghìriu, comente su salone Sexy in the City, tra sos prus connotos de su cabulogu sardu, acantu at traballadu pro medas annos.  No est pro nudda, difatis, chi Paola Troncia, titulare de su salone, l’apat seberadu pro su matrimòniu.

 “Progetto finanziato con l’Avviso Pubblico IMPRENTAS annualità 2021-2022”

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22