Su de tres comunos prus populadu de s’ìsula est Cuartu Sant’Aleni, cun belle 68.000 abitantes. Est una tzitade cun totu sos servìtzios, crèschida mescamente a pustis de sa Segunda Gherra mundiale.

A su de bator postos  agatamus un’àteru importante tzentru de s’ìsula, custu puru crèschidu meda a pustis de sos annos  ’50 . Sa populatzione sua est de 60.000 abitantes.

A su de chimbe postos, cun belle 43 mìgia abitantes, ddoe est S’Alighera, tzitade turìstica cun raportos istòricos, culturales e linguìstucos cun sa catalana Bartzellona.

In sa positzione nùmeru 6 agatamus Nùgoro, “s’Atene Sarda”, capulogu provìntzia. Su tzentru prus importante de sa Barbàgia tenet 34.000 abitantes. Comente sas àteras tzitades chi amus remonadu at tentu un’aumentu demogràficu importante in su ‘900, ma immoe est sufrende meda s’ispopulamentu.

Posca agatamus Aristanis, su capulogu de sa provìntzia omònima, chi tenet belle 30.000 abitantes, famada meda pro su carrasegare suo.

A su de oto postos ddoe est Ceraxus, comunu a probe de Casteddu, chi in sos ùrtimos 60 annos at bidu un’aumentu ispantosu de sos residentes suos chi oe sunt 28.575.

In su Sulcis agatamus Carbònia, tzitade fundada petzi in su 1937 durante su fascismu.  Immoe tenet prus de 25 mìgia abitantes, ma in sos annos chimbanta nde contaiat 45 mìgia, pro more de sas minas e de sas indùstrias suas chi faghiant arribbare gente dae totu sa Sardigna e dae Itàlia.

Assèmini est a su de 10 postos, cun 25.953 abitantes, e Igrèsias est a sa de ùndighi positziones (25.455 abitantes). A serrare custa classìfica de sos comunos prus populados de s’ìsula nostra, fatu fatu a Casteddu e Tàtari, ddoe est Cabuderra, acanta bivent 22.462 abitantes.

 “Progetto finanziato con l’Avviso Pubblico IMPRENTAS annualità 2021-2022”

Si est custituida in su notaju sa Delegassione po Poderare sa naschida de sa IGP porcheddu de Sardigna, e si est assemidada in manera uffitziale sa Delegassione Iscentifica, chi in sa prima assortida, fatta in Macumere, in s’agentzia de Contas, su 15 de Abrile, at tribagliadu po approntare, medas puntos de su regolamentu de produssione de custa saporitesa totta sarda.

S’intentu, preparare sos documentos chi serbint de presentare a sa Commissione Europea po alcansare su riconnoschimentu de s’arrennomini IGP e faghere naschere una delegassione chi tenzat commente faina printzipale cussa de creare un’unione de sos pastores, masellajos e sos trasformadores de s’eccellentzia sarda, chi potant ordiminzare una filera e dare unu fentomu balidu a su mercadu, po tottu cussu chi appartennet sas fases de pesadura e de trassa de sos porcheddos chi teppent andare a su mercadu.

A sa mattessi manera,bardare sa produsssione locale sarda dae su periculu de battire importassiones chentza controllu perunu, e duncas tutelare s’issida de su prodottu. Unu arminzu balidu puru po sos consumadores, chi ant podere tennere unu trattadore chi potat garantire supra su rispettu de unu regolamentu de produssione. Fases importantes meda, cussas de sa naschida de sas duas delegassiones.

Importante meda at essere sa retza de sos sardos in Italia e in su mundu: su motivu de sa presentzia in sa delegassione de Bustianinu Mossa, presidente de sa Fasi, sa retza de sos corriglios sardos in Italia.”Sos emigrados” si dant itte faghere in cust’intentu commente consumadores,sustenidores,ambasciadores, narat Mossa. Semus 2,5 miliones sos sardos fora de sa Sardigna, ispartinados in tottu su mundu.

Solu in Italia sa Fasi contat casi 30.000 iscrittos, in 68 delegassiones presentes in 12 regiones de s’Italia. Sa pius a mesudie est Ciampino. Su tzentru e su norti de s’Italia sunt su puntu de arribu menzus de operajos, pastores,sordados e istudiantes ligados in manera chi non si podet isligare dae sa cultura sarda chi prima de tottu est sa cosa de mandigare. Esist commente una venerassione de su porcheddu. E difattis partizas sunt sas initziativas chi tenent commente base custu prodottu pittitteri.

Tenimos po custu un’istruttura de negossiu de produttos de calidade funguda, a sa cale si diritzant sos sardos emigrados.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22