Est mortu in Normandia – Frantza – Gino Strada, méigu e filàntropu. Aiat 73 annos.

A donare sa noa sunt istadas personas a presu de sa famìlia Strada, chi sunfriat dae medas a su coro.

Unu coro mannu a beru, cussu de su mèidu milanesu chi gràtzias a sa Ong Emergency, fundada cun sa pobidda Teresa Sarti – morta in su 2009 – e àteros amigos, in su 1994, at fraigadu ispidales, logos pro su primu sucursu e àteros tzentros ispetzialitzados pro mannos e minores.

In totu, s’òpera de su sótziu umanitària est lòmpida in 18 Paisos e at sarbadu casi 10 milliones de personas in totu su Mundu.

Podimus nàrrere duncas chi custu òmine est istadu unu gigante de su tempu nostru e mancari sa morte sua su chi at lassadu est un’eredu mannu a beru, e semus seguros chi is sòtzios de Emergency e mescamente sa fìgia Cecilia, ant a sighire s’àndala sua.

Seguru at a mancare s’autoridade de su fundadore, pròpiu immoe chi s’Afghànistan est torrada in is manos de is Talebanos, e sunt lòmpende tempos malos pro is tziviles.

Su méigu milanesu est istadu semper contra a sa gherra, pro ite at bidu cun is ogros suos su chi càpitat a sa populatzione e at cumpresu chi no at a serbire mai a nudda. Pro cussu at naradu chi issu non fiat unu patzifista, ma contra a sa gherra.

Is membros de su sótziu umanitàriu in custas dies sunt pensendu a fàghere calicuna cosa pro onorare in unu bellu modu sa memòria de su fundadore issoro, cando su corpus at a èssere rimpatriadu in Itàlia. Difatis gente meda at a bòlere donare de persona, s’ùrtimu saludu a Gino Strada.

Imbetzes in medas tzitades de totu s’Itàlia si sunt movende pro intitulare pratzas e caminos a su méigu milanesu e àteros diant bòlere donare su nùmene suo a manifestatziones famadas.

Una bella cosa de seguru, pro ite ddu meritat a beru, ma semus seguros chi diat at a èssere prus cuntentu a ue s’agatat immoe – isperamus in unu logu prus giustu de custu Mundu – chi is Istados e sa gente non si furrit a s’àtera banda a dae in antis a is cunflitos, comente est capitendu in custas dies cun is fatos de s’Afghànistan.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Sa passione olìmpica at corpidu totu is italianos, chi si sunt apassionados e esaltados a bìdere is impresas de is atletas nostros chi ant bìnchidu su bellu de 40 medàllias, mai gasi medas una sìngula Olimpìade: 10 medàllias de oro, 10 de prata e 20 de brunzu.

Nùmeros tundoso, perfetos comente is chimbe chircos de is Olimpìades. S’Itàlia at serradu a su de 10 postos in in sa classìfica generale, at otentu prus medàllias respetu in Olanda, Frantza e Germània, ma a paridade de oros balet su nùmeru prus artu de pratas, s’Itàlia nde tenet prus pagu respetu a is àteras tres natziones europeas e gasi est lassinada a su de deghe postos.

Ma non in totu su mundu su medallieri olìmpicu benit carculadu in custu modu. E craru chi ognunu chircat de giùghere s’abba a su mulinu suo e oe in Itàlia si dat unu grandu pesu a su nùmeru de medàllias e mescamente si pensat chi su modellu americanu fortzis est mègius.

Su mètodu clàssicu previdet chi chie otenet su majore nùmeru de medàllias de oro est primu. Duncas a esèmpiu si una natzionale conchistat 3 medàllias de oro, una prata e duos brunzos cun unu totale de 6 medàllias totales est a in antis a chie imbetzes at otentu a esèmpiu 2 oros, 7 pratas e 4 brunzos, pro unu totale de 13 medàllias. Comente est sutzèdidu in custas ùrtimas Olimpìades a esèmpiu a s’Isvètzia chi at serradu a su 23° postu cun 9 medàllias (3 oros, 6 pratas) in manera neta a in antis s’Ucràina 44° cun unu oro ebbia, ma cun 19 medàllias cumplessivas.

Pro custu motivu s’Itàlia mancari apat otentu unu nùmeru prus artu de medàllias respetu a s’Olanda, sa Frantza e sa Germània est a palas de custos tres paisos, chi bantant unu nùmeru majore de medàllias de prata, is oros sunt uguales (totus nd’ant bintu 10). S’Itàlia at otentu 40 de medàllias cumplessivas, sete in prus de sa Frantza, chi però est a in antis, de duas positziones, gràtzias a unu nùmeru prus artu de medàllias de prata.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22