Edilìtzia iscolàstica in Ogliastra: dinatziados is progetos de Iscol@
Is summas sunt istadas partzidas intre is Comunos in base a is bisòngios manifestados dae is entes etotu paris cun is dirigèntzias iscolàsticas
“Andant a dae in antis is progetos relativos a su programma triennale de edilìtzia iscolàstica Iscol@ chi previdet interventos destinados a su megioru de s’oferta iscolàstica e a torrare is iscolas logos seguros e galanos pro is pitzocos, pro mèdiu de interventos mirados printzipalmente a megiorare sa calidade de is ispàtzios e sa funtzionalidade issoro cunforma a is bisòngios didàticos efetivos”.
Aici at naradu Franco Sabatini, Cussigeri regionale de su Partidu Democràticu e Presidente de sa Cummissione consiliare Bilantzu, donende un’agiornamentu de s’istadu de s’ispesa de is resursas.
«Su programma Iscol@ de sa Regione Sardigna pro s’Ogliastra at prevìdidu s’erogatzione de risorsa destinadas a sustentare atziones, a artziare is livellos de aprendimentu de is istudiantes e cuntrastare is protzessos de abbandonu iscolàsticu, segundu duas diretziones: una prima fase de finantziamentos previdit s’interventu istruturale, posta in seguridade, mantenidura ordinària e istraordinària, de ammodernamentu e efitzentamentu de is edifìtzios iscolàsticos de su territòriu pro unu totale complessivu de èuros 15.617.180,27; cun custu segundu finantziamentu, imbetzes, is istitutos iscolàsticos ant pòdidu benefitziare de unu rinnovu de is arredos e de is atretzaduras cun risursas complessivas uguales a èuros 1.584.668,00.
Is summas sunt istadas partzidas intre is sighentes Comunos in base a is bisòngios manifestados dae is entes etotu paris cun is dirigèntzias iscolàsticas: Àrthana èuros 60.000; Barì 220.000; Baunei èuros 145.000; Cardedu èuros 30.000; Gàiru èuros 44.668; Gelisuli èuros 70.000; Lanusè èuros 40.000; Loceri èuros 40.000; Lotzorai èuros 80.000; Osini èuros 10.000; Foghesu èuros 110.000; Talana èuros 60.000; Tertenia 100.000; Tortolì èuros 550.000; Orthullè èuros 20.000”.
© RIPRODUZIONE RISERVATA