Saras, sa Procura de Casteddu at achiridu unu video chi mustrat s’sàrrigu in mare de lìcuidos nieddos, s’azienda: ‘Su colore nieddu est de sas algas’
Sa Saras, comente at ischidu de s'achirimentu de su documentu, at replicadu in deretura cun unu comunicadu de imprenta: «Su video ammustrat abba de mare amescurada a sas algas, dipendet dae cussu su colore iscuru».
Sa Procura de Casteddu at achiridu unu vìdeu anònimu de duos minutos essidu solu pro carchi minutu in Facebook in ue si documentat s’iscàrrigu in mare de lìcuidos iscuros a òpera de sa rafineria Saras de Sarrocu. Su pm Emilio Lussu at afidadu sas indàgines a su Corpus Forestale.
Sa Saras, comente at ischidu de s’achirimentu de su documentu, at replicadu in deretura cun unu comunicadu de imprenta: «Su video ammustrat abba de mare amescurada a sas algas, dipendet dae cussu su colore iscuru».
Segundu sos regulamentos in vigèntzia sa Saras est autorizada a iscàrrigare in mare lìcuidos non incuinantes, ma a pustis chi siant istados tradados a dovere. A parte a custu vìdeu in sa mesa de su pm b’at giai una denuntzia presentada dae un’assòtziu ambientalista contra a sa Saras, prus deghinas de àteras acusas. Tres espostos presentados s’annu coladu sunt istados archiviados sena chi b’apat tènnidu cunsighèntzias penales.
© RIPRODUZIONE RISERVATA