Incidente d’auto in provincia di Varese: muore la mamma di Billy Costacurta.

Grave lutto per Alessando Costacurta: l’ex difensore del Milan e dell’Italia infatti ha perso la madre, morta in un brutto incidente stradale. Margherita Beccegato, 87 anni, ha perso il controllo della sua automobile nei pressi di Cavaria con Premezzo, comune in provincia di Varese. La donna è finita contro il muro di un’azienda. Inutili i soccorsi dei vigili del fuoco, dei soccorritori del 118 e dei carabinieri della compagnia di Busto Arsizio.

Un’abbenimentu chi dassat a bucca abberta at iscuttinadu su Kentucky in su mese de santuaini 2021, cando un’omine, decraradu mortu po un’infartu, si nde est ischidadu pagu prima che li che bogherent su coro, su figadu, sos prummones e sos runzones. Anthony Thomas, giai decraradu mortu, fit supra su lettu de s’ispidale prontu po s’operassione, cando un’operadora sanidaria at bidu chi bi fit carchi cosa chi no andaiat.

S’omine si moviat e pranghiat, faghinde cumprendere de essere ancora bivu, mancari sos duttores esserent nadu chi fit mortu. Sa familia de TJ at dezisu de contare s’istoria a tres annos dae cantu est sutzessu. S’omine aiat tentu un’infartu po aere leadu droga, e pustis de paritzos tentativos de lu faghere bivere, sos duttores aiant comunicadu a sos familiares chi non bi fint pius signales de attividade de su cherbeddu.

Aiant duncas detzisu de l’istaccare dae sas macchinas chi lu teniant in bida, pro itte TJ aiat dadu su cunsensu po sa donassione. Sa bortada est arrivada cando, intro de sa sala operadoria, sa sorre de s’omine at bidu chi sos ocros suos si funt abberinde, mancari sos duttores epperent assicuradu chi fit solu unu “reflessu”. Passadu su primu momento peroe, est bessidu a pizzu chi TJ non fit mortu deabberu: si nde fit ischidadu, e s’operassione est bistada suspesa in presse meda.

Su mese de bennarzu passadu, sa familia de TJ est bistada cuntattada dae su Koda, pustis chi una trabagliadora de s’ispidale aiat fattu connoschere custu casu, faghinde partire unu controllu supra su chi aiant fattu sos duttores. Koda at nadu chi no che bogant mai su coro, sos runzones, sos prummones e su figadu cando sas pessonas sunt ancora bivas e chi niunu benit mai forzadu a faghere sa donassione.

Custu casu est como sutta de scruccullu de su procuradore generale de su Kentacky e de un’agentzia federale po accrarare si tottu su netzessariu siat bistadu fattu commente narant sas regulas o si bi siant bistadas macchissias. S’ispidale at decraradu chi sa salude de sos malaidos est semper bistada sa cosa printzipale e chi s’ispidale azzuat sas familias po garantire chi sos disizos de sos malaidos po sa donassione benzant rispettados.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22