Moreno Marchetti, naschidu in su 1978 in Jertzu, sighidi a si faghere ammirare in su mundu de sos militares, commente Sergente Majore Rolu de Onore, in su campu de s’isport, commente isportivu bardamente abili.

In sos urtimos Campionados Italianos a s’inserru in iverru, de bolaja, chi si sunt fattoso in Ancona, Marchetti at iscrittu unu capitulu nou de s’istoria isportiva sua, conchistande unu tris eccetzionale de medaglias de arghentu. Sas bratthas de impignu de sa bolaja de su pesu, de su discu, e de su berrudu, ant bidu Marchetti lampare commente unu campione beru.

Sa partetzipazione sua a custa cumpetissione cadria, est bistadu su momentu curumenale de tottu s’abbenimentu, attirande s’attentzione de sos appassionados de isport de tottu sa idda. Marchetti, atleta ozzastrinu, at dimustradu a subraera, su talentu sou in sas tres porfias, mustrande abilidade, appentu e determinu in sa classe F57 , chi dimandat s’usu de una cadrea de bolaja.

Sa detzisione sua de accommettare sa cumpetissione essende setziu, at azzuntu unu elementu de porfia e at apprettu a sa presta sua, mustrande un’attera borta sa fortza sua e sa gana de binchere donzi impedimentu. In sa bojada de su pesu, Marchetti at accattadu su primu sutzessu, balanzande sa medaglia de arghentu. Sa tecnica sua, cunsiderada perfetta e sa fortza sua carraffale, ant afforticadu sa posissione sua in mesu a sos menzus atletas paralimpicos in sa setzione.

Bell’e chi sa novidade de sa categoria e su marraffiuu de aer apidu bojare dae setzidu, Marchetti at dimustradu de essere unu ribale desampladu, prontu a binchere donzi affrontadura.

Sa secunda medagli de arghentu est bistada binchida in sa bojada de su discu, inube Marchetti ada ispantadu sos ispettadores cun d’una pretzisione carraffale e una possa chi non si potet creere de sa bojada sua.

S’abilidade sua bojande su discu at cunfirmadu sa tecnica e s’abilidade sua e sa creschida commente atleta.

Su triunfu finale est arrivadu in sa bojada de su berrudu, inube Marchetti at conchistadu sae trese medaglia de arghentu. S’abilidade sua po collegare su movimentu e sa fortza chi serbint po una bojada de valore, est bistada ammirada non solu da sos ispettadores, ma puru da sos atteros partetzipantes, evidentziande su rispettu chi si at balanzadu in sa comunidade isportiva.

S’attividade eccetzionale de Moreno Moretti, est unu eesmpiu de determinesa, corazzu e de talentu, chi ispirada non solu sos appassionados de cust’isport, ma tottus sos chi siant chircande ispiratzione po binchere sos disaffios de sa vida.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

In s’ambiente carrigu de emossiones de sa parrocchia de Istella Maris, s’artista prenu de talentu naschidu in Tortulè Mario Lai, at in finis cussinnadu una copia pretzisa de sa Cresia de Istella Maris a su parrocu sou, don Filippo Corrias. Naschidu in su 1954, Lai si delettat dae tempus a faghere monumentos de sa tzittade, mustrande una destresa e una passione chi lu marcant.

S’amore sou fungudu po sas bellesas de sa idda sua,Tortulè, si biet a subraera in sas operas chi faghet, donzuna prena de diligu e de unu apegu unicos.

Giai in passadu, s’abilidade artistica sua at acciappidu issida in sa copia de sa sea de sant’Andria, cussinnada a sa parrocchia ghiada dae don Crobeddu,coberande ammirassione e appretziamentu da tottu sa comunidade. Intames, custa borta, s’impignu sou si est cuncentradu supra de sa Cresia de Istella Maris.

Pustis de meses longos de dedissione e impignu, su fruttu de su tribagliu sou est bistadu bocadu a campu a sos ogios de sa comunidade sua. Sa Cresia de Istella Maris, fraigada in su 1966, torrat a bida como in tottu sa magnifficentzia sua, po mesu de custa copia fatta a manu. Donzi partigulare, dae su maestosu campanile a sos cumplicados tarassios de su portale, est bistadu copiadu cun abilesa e cura de sos particulares pius pitticcos, testimonzande s’amore e su rispettu chi Lai tenet po su patrimoniu de sos progettos de sa tzittade sua.

Usande taulas cun pius pizos, s’artista at ischidu acciappare s’essentzia e s’ambiente sacru de custu logu de cultu. Sos internos de sa Cresia, riccos de figuras e istoria, sunt bistados rendidos cun d’una pretzisione chi at aggioccadu, leandeche sos osservadores in d’una devossione e ispiritualidade fungudas.

Donzi angulu, donzi arcu e donzi pintura a friscu sunt bistados copiados cun d’una fidelidade istravanada, donande a sos ispettadores un’esperientzia de visione unica e chi istrasinat. S’integru de custa opera de arte est bistada accollida cun galabera e ingraenzu dae parte de sa comunidade de sa parrocchia, chi at pottidu iscoperrere sa bellesa e s’importantzia de su propriu logu de cultu po mesu de sos ogios de s’artista.

Gratzias a su talentu e sa dedissione de Mario Lai, sa Cresia de Istella Maris sighit a bivere e ispirare cussos chi si
accostant cun fide e devossione, mentres s’amore de s’artista po sas bellesas de Tortulè, brillant po mesu de donzi elementu de sa creassione sua, assentande s’istoria e religiosidade de sa tzittade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22