S’azzunta carrafale de Costantino Nivola a sa Mustra Biennale de Venezia, marcada unu momentu istoricu, pro itte sas operas de su connoschidu meda iscultore sardu, ant essere postas in mustra po sa prima borta dae su 20 de Aprile a su 24 de sant’Andria 2024.

Bell’e chi siat famadu a apparinamentu in tottu su mundu, Nivola, no aiat mai pigadu parte a custa manifestazione de grandesa, in sa vida sua. Eppuru, commo, su contributu artisticu sou, est bistadu reconnoschidu e intregadu in sa mustra printzipale de sae de 60 edissiones de sa Biennale.

Su tema tzentrale de custu abbenimentu est dedicadu a sos de fora, iscumbattande siat s’afficcu de sa migratzione, chi cussa de s’esistentzia.

Nivola est bistadu postu in mesu in sa setzione dedicada a sa tzelebrazione de sa ispartinadura de sos artistas italianos, paris cun sas operas de atteros 40 artistas, cun d’unu ammanizu ispettaculare fundadu supra de unu disignu istoricu de Lina Bo Bardi, una ordinzadora de s’Italia, emigrada in Brasile.

S’opera isseperada de Nivola, po s’apparada est unu rilievu chi serbiat commente ammaniada po sa decorassione de su showroom Olivetti in New York, unu tribagliu chi l’at fattu diventare famadu in su 1954. Custu rilievu, chi arribat dae sa collessione de su Museu Nivola, ponet in evidentzia s’applicassione noa a s’ordinzadura de sa tennica de su sandcasting, abbisada dae s’artista.

Intro de sa mattessi setzione, dedicada a “Foristeris in tottue”, bi at a essere sa presentzia de Bona de Mandiargues, un’artista de su fantasiosu, recuperada dae su Museu Nivola. Naschida in Roma, in su 1926 e trasladada in Parigi in su 1950, Bona at tentu unu rolu fundamentale commente cumponidora de s’Italia cun sa Frantza dae sos annos 50 a sos annos 80.

Venezia, cun sa domo eredidada dae su tiu Filippo de Pisis, est bistadu unu logu beniaminu sou. Sa mustra in Venezia, at apparare operas chi sunt sa crae de sas chertas suas in sos materiales de sos tessidores, cun attentzione manna su “Trau de s’affidu”, de su 1958, giai abenntadu in sa Mustra de Orane. Sa desamplada incluisione de Nivola, e su recuperu de artistas commente Bona de Mandiargues, faghent diventare s’edissione numero 60 de sa Biennale de Venezia unu abbenimentu carraffale, promittinde de apparare unu viazzu incantadore meda in mesu de sas operas de artistas prenos de talentu, e chi ant influentzadu e ispiradu sas ingendras imbenientes.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dinamo Bancu de Sardigna patit sa secunda derrotta una fattu de s’attera in sa fase duos de sa Europe Cup, perdinde 76-83 cun sos frantzesos de Le Portel, in d’una partida giogada e pattada po casi tottu su tempus, ma chi est bistada detzisa in sos urtimos minutos .

Po sos tattaresos un’attera occasione perdida pustis de su passu falsu contra Bilbao, ma sas isperantzias de si qualifficcare addurant bivas. S’isquadra de coach Markovic si est presentada in Le Portel cun determina, mustrande dae sos primos minutos de podere cumpetere in manera chitta cun sos frantzesos.

Sa gara est bistada bilantzada in sas primas tres partes, cun sas duas isquadras chi sunt bistadas a su cumandu una fattu de s’attera chentza mai si che andare a daenanti. Sa terza parte si est serrada cun sos merese de domo a daenanti solu de unu puntu(61- 60), dassande suspentare una parte finale intzerta e chertadora.

In s’urtima parte, peròe, sun bessidas a pizzu sas difficultades de sos tattaresos, mescamente in s’attaccu. Mentres Le Portel at pottidu contare supra sas prestassiones istravanadas de Konate, Diawara e Nunge, sos tattaresos ant fatigadu a acciappare continuidade. A battoro minutos dae sa fine, sos frantzesos ant approffittadu de carchi sbeliu de sa deffensa de sa Dinamo po allonghiare.

Bell’ e chi custu, sa Dinamo no at mai molladu. Sos tiros de tres puntos de Veronesi e Fobbs, su menzus marcadore tattaresu cun 12 puntos, ant torradu a azzendere sas isperantzias de sos istranzos, chi sunt arrivados a -4 puntos. A donzi manera, in sos momentoz detzisivos, Le Portel at mustradu una frittesa e fortesa pius mannas, serrande sa gara cun su risurtadu de 83-76 conchistande duos puntos pretziosos in sa cursa po si qualifficare.

Mancari eppat perdidu, sa Dinamo at mustradu signales de corazzu. S’isquadra at gherradu a sa chitta contra unu cuntrariu de livellu artu, evidentziande tramas de giogu bonas e impignu mannu, ma est mancada, in sos momentos pius importantes, una cosa supra sa cale coach Markovic at a teppere tribagliare. Sa fase de s’attaccu in s’urtima parte de sa gara, in manera particulare, at evidentziadu una mancantzia de lutidade, mentres in sa defensa si sunt bidas mancantzias chi ant permittidu a sos frantzesos de approffittare de situassiones de favore.

Cun duas derrottas in duas garas, sa Dinamo est como in d’una posissione cumplicada , ma su caminu po passare sa muda benidora no est cumpromissu. Ant essere de fundamentu sos impignos pius accurtzos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22