Un’istùdiu innovativu giutu dae s’Universidade de sos Istùdios de Casteddu est istadu premiadu cun unu finantziamentu de prus de 200 mìgia èuros dae su Ministèriu de s’Universidade e de sa Chirca (MUR) in s’àmbitu de sos Progetos de Chirca de Rilevante Interessu Natzionale (PRIN 2022). Custa chirca punnat a caraterizare sa biodiversidade micròbica de sas salinas Conti Vecchi de Casteddu, impreende mètodos molecolares a s’avanguàrdia.

Su progetu, coordinadu dae s’Universidade de sos Istùdios de sa Tuscia cun sa responsabilidade sientìfica de sa dotora Susanna Gorrasi, interessat in manera ativa s’Universidade de sos Istùdios de Casteddu, mescamente su laboratòriu de Virologia Molecolare de su dipartimentu de Sièntzias de sa vida e de s’ambiente, suta de sa ghia de sa dotora Nicole Grandi, e s’Universidade “Ca’ Foscari” de Venètzia, ghiada dae su professore Bessem Chouaia.

S’acostamentu innovativu de custu istùdiu si basat subra s’impreu de mètodos molecolares avantzados chi ant a frunire datos fundamentales pro allargare sos connoschimentos subra sa diversidade biològica e metabòlica de sas comunidades micròbicas e virales inesploradas o petzi in parte caraterizadas presentes in sos ambientes marinos costeris, comentesas salinas marinas e sos istàinos.

Sos ecosistemas de sas salinas Conti Vecchi, paris a sas Salinas de Tarquinia (Viterbo) e a sa Laguna de Venètzia, ant a èssere analizados a sa minuda pro cumprèndere sa cumpositzione, istrutura e funtzionalidade de sas comunidades micròbicas. Custa chirca at a contribuire a delineare s’ecologia de custos ambientes e in prus diat pòdere fintzas rivelare riservas de microrganismos e virus cun caraterìsticas ecològicas e tretos chi podent èssere aplicados in vàrios setores sientìficos, tecnològicos e sotzioeconòmicos.

Su progetu punnat a individuare microrganismos cun aplicatziones biotecnològicas potentziales e implicatziones biomèdicas, comente  sa produtzione de molèculas bioativas noas, microrganismos patògenos o resistentes, e virus cun impreos possìbiles in campu mèdicu o comente  agentes de biocontrollu. Custu acostamentu interdisciplinàriu  promitet de abèrrere orizontes noos in sa cumprensione e in s’aplicatzione de sa biodiversidade micròbica, contribuende in manera significativa a s’isvilupu de sa chirca sientìfica in custu campu.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Carburantes, prus controllos de sa Finantza po cansare aumentos chena zustificassione.

Pustis de s’aumentu novu de sos pretzios de s’energia, po more de sas gherras in Mediu Oriente, In Italia sunt bistados affortigados sos controllos supra sos carburantes. Sa Finantza at detzisu de affortigare sos controllos supra tottu sa retza de ispartidura de benzina e gasolio fintzas in Sardigna.

S’intentu est de controllare cun attentzione donzi mamentu de su camminu chi che leat su carburante finas a sos ispartidores. In custa manera si cheret evitare chi calincunu si approfittet de sa situassione internatzionale po accreschere sos pretzios in manera chi no est zusta. Sos controllos sunt po tottu sos carburantes e partint dae sas dittas chi important o ispartint benzina e gasolio e arribant fintzas a sos ispartidores. Sa Finantza est controllande documentos, fattura e pretzios po cumprendere sis sos accreschimentos sunt currettos.

In sos urtimos tempos su pretziu de sos carburantes est torradu a pigare po more de sa tesones internatzionales e de sos problemas de su mercadu de s’energia. Cando bi sunt crisis o gherras, difattis, su pretziu de su petroliu podet accreschere in presse meda e custu interessat sos pretzios de benzina e gasolio. Propriu pro custu motivu sas autoridades cherent evitare chi calincunu irfruttet sa situsassione po balanzare prus de su chi est netzessariu. Sos accreschimentos de sos pretzios, difattis, deppent dipendere solu dae s’andamentu de sos mercados internatzionales e non dae cumportamentos iscurrettos.

S’affortigamentu de sos controllos est bistadu detzisu dae su Ministeru de s’Accolomia e de sas Finantzias, chi sighit dae accanta sos pretzios de sos carburantes in Italia. S’intentu printzipale est de diffendere sos tzittadinos e garantire trasparentzia. In d’unu mamentu in su cale su pretziu de s’energia est meda istabbile, est importante controllare chi tottu su sistema funtzionet rispettande sas regulas. Sos controllos de sa Finantza ant a sighire in sas chidas imbenientes in totta Italia. Sos controllos ant a serbire po cumprendere si sos pretzios chi sunt faghinde sos ispartidores sunt beros o si bi sunt cosas chi no andant bene.

S’intentu finale est de garantire chi sos affinadores paghent unu pretziu zustu e chi su mercadu de sos carburantes adduret craru e controlladu, chena ispeculatziones e aumentos non zustifficados.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22