Sa pobertade no est pius cussa de una borta. No appartennet solu a sos urtimos de sa sotziedade, comente sos chi non tenent una cobertura o chie non tenet unu tribagliu, ma interessat fintzas pessonas chi fintzas a carchi annu faghet resessiant a si la bogare.

Oe est una condissione chi at assuntadu formas novas, diventande semper pius communes. Custu est cantu bessid a campu dae s’urtimu “dossier” de sa Caritas diocesana de Casteddu, presentadu in Cunsizzu regionale, chi offerrit unu quadru de sa situatzione chi affuscat.

Secundu sos datos de s’Istat, su 16% de sos sardos bivet in conditziones de pobertade relativa. Custu fenomenu acciappat cunfirma in sos numeros de sa Caritas, chi registrat unu accreschimentu importante de sas bintradas a sos servitzios suos essentziales comente rebustos, poliambulatorios e contribbudos po pagare sas bullettas. Sa situatzione appartennet a pessonas chi fintzas a carchi tempus faghet resessiant a si mantennere, ma como non resessisint pius a accomettare sas difficultades de donzi die.

In su 2024, sos cuntattos cun sos servitzios de sa Caritas sunt diventados 180.000, cun d’unu accreschimentu in cunfruntu a su 2023. Est importante meda evidentziare chi unu cuntattu singulu no balet una pesson pro itte medas clientes dimandant sos servitzios pius bortas. Bell’e gai, amplariande sos esamenes a sas diocesis de Tattari, Nugoro e Gaddura, bessit a pizzu unu quadru allarmante cun deghinas de mizzas pessonas chi bivent in condissiones de pobertade in Sardigna.

In mesu de sos azzudos pius dimadados bi sun sas mesas francas. Unu datu de signifficu est s’accreschimentu de su numeru de sos bedustos chi andant a sa Caritas. Custu accreschimentu reflettit sas difficultades chi si bient semper de pius chi sos bedustos po more de sas pessiones semper pius mancantes. Fintzas sos zovanos laureados non sunt affrancados dae sa crisi.

Custu indittat chi, bell’e chi s’istrutzione siat pius manna, medas zovanos non resessint a acciappare unu tribagliu frimmu o chi siat bene pagadu e finint po dipendere dae sos azzudos po sas ispesas de base.

Sa crisi no risparmiat nemmancu sa burghesia, e s’effettu paret essere pius artu supra sos omines in cunfruntu a sas feminas. Sas feminas, acciappandesi in situatziones de precariedade, parant a si bortare a sas familias insoro, mentres sos omines bivent a s’ispissu in cunditziones de soledade.

Custa situatzione dimandat interventos aprrettosos e coordinados dae parte de sas istitutziones poi scansare chi diventent irrecuberabiles.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22