S’atletica italiana est bivinde unu momentu istravanadu, e custu balet puru po sa classe de sos zovanos, commente mustrant sos desamplados risurtados alcansados a sas fattas dae pagu Garas Italianas de Molfetta, in provintza de Bari.

In particulare, in sa gara de sos 200 metros, su zovanu sprinter Diego Nappi, at fattu unu risurtadu importante meda, currinde cun su tempus chi non si podet creere de 20.79 secundos, cun d’unu bentu a favore de +1.0. Custu risurtadu li at permittidu de binchere su tempus chi aiat fattu Filippo Tortu in Chiari, inue aiat fattu 20.92 su 7 de
lampadas de su 2015.

Diego Nappi, chi tenet bessidas sardas e chi curret po s’SAtletica Portu Turres, at fattu una proa desamplada, ingumande sa pista e faghinde su record in sa pista iscoperta. Custu sutzessu est in pius de su record chi aiat giai fattu su jerru passadu, cun su tempus de 21.52, binchinde su tempus de Andrew Howe chi aiat fattu 21.62 in su 2002. Sa capatzidadede Nappi de si binchere donzi borta si est bida in presse, bidu chi che at imboladu su record suo personale de 21.17, fattu solu una chida prima de sa gara de Rieti.

S’istoria de Diego Nappi est affadante meda. Ex giogadore de botza, at giogadu po otto annos commente porteri, prima de si che accostare a s’atletica cando bi est bistadu su lock-down de su 2020. Custu cambiamentu artu li at permittidu de iscoperrere unu talentu naturale po sa velocidade, cambiandelu in d’unu de sos isprinter pius promittentes de s’ingendra sua.

Su tempus istrippidu chi at fattu Nappi, l’at postu a su secundu logu in s’elencu de s’Europa po custa istagione in sa classe sua, evidentziande un’attera borta s’istravanadu talentu suo. Custu risurtadu, arribat in d’unu momentu importante meda, cun sos Europeos under 18 de Banska Bystrica in Slovacchia, chi ant essere dae su 18 a su 21 de triulas, chi sunt giai arribande. Sa prestassione de Nappi non solu lu ponet commente unu de sos favoressidos po custas garas, ma che lu ponet in mesu de sos menzus isprinter italianos de semper in s’edade pius arta, cussa de under 20. Sa Federassione Italiana de Atletica Leggera at accollidu cun galabera custos risurtados, riconnoschinde s’importantzia de contipizare talentos zovanos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sardigna in daesegus in sa classifica supra su clima e calidade de sa vida.

Su clima podet fittare supra sa calidade de sa vida in sas tzittades e sos datos prus reghentes lu cunfirmant fintzas pro sa Sardigna. In sa classifica de sas tzittades printzipales pubbricada dae su Sole 24 Ore, chi controllat sas cundissiones climaticas e su corpu supra sa vida de donzi die, carchi tzittade de s’isula si agattat in sa parte prus bassa de sa classifica natzionale.

In manera particulare est Carbonia a serrare sa classifica cun su 107° postu, s’urtimu intre sas tzittades printzipales esaminadas. S’istudiu leat in cussiderassione paritzos trattos de su clima pro cumprendere cantu sas cundissiones meteo potant influentzare su benessere de sas pessonas e sa vivibilidade de sos tzentros de sas tzittades. S’analisi si accottat supra 15 motivos ligados a su clima. Intre custos bi sunt s’intensidade de s’abba, su numeru de sas nottes in sas cales sa temperadura minima non calat sutta sos 20 grados, sas dies de cardu urtimu, sa presentzia de bentu in su mentres de s’istiu e s’umidesa de s’aria.

In su casu de Carbonia, secundu sos datos regortos, pesant mescamente sas temperaduras artas meda registradas in s’annu e su numeru minimadu de dies frittas o cun abba allongada. Custas cundissiones climaticas fittant supra su risurtadu finale de sa tzittade de su Sulcis chi si acciappat duncas a s’urtimu postu de sa classifica.

Est importante evidentziare chi s’istudiu si relatat a sos datos de su 2025 e non tenet contu de cantu accadessidu in sos primos meses de su 2026, cando totta sa Sardigna est bistada interessada dae una simana de abba prus bundante in cunfrontu a sa media de sos urtimos annos.Una cosa fora de norma de su clima chi at distintu s’incumintzu de s’annu ma chi non recuit in s’analisi impittada po faghere sa classifica.

Abbaidande su restu de sa classifica si nodat chi a sos primos postos si agattant mescamente tzittades supra su mare Adriaticu. A su primu postu de sa classifica bi est Bari. Sa classifica evidentziat comente su clima siat divenninde un’elementu semper prus importante cando si faeddat de calidade de sa vida in sas tzittades. Sas temperaduras artas meda, sos periodos de assuttura o a su contrariu de abba meda sunt cosas chi fittant supra sa salude, s’ambiente e supra sa vida de donzi die de sas pessonas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22