Sos incantos de sa Sardigna, si ammaniant a accollire un’aundada chene cabidianu de interessu dae parte de agentzias internassionales ismastridas in su turismu de isposonzos de isfartzu.

S’isula de su Mediterraneu, si ammanitzat a abberrere sas giannas suas a una caravatza de spertos de su campu, chi arribant dae donzi parte de su mundu, cun attentzione particulare a sos Istados Unidos, a s’India e a su Mesu Oriente, in d’unu viaggiu chi ammaghiada, connoschidu commente Soulstir Trip, chi at incumintzare in su mese de Cabidanni.

Su primariu intentu de custu viazzu abbenturosu est cussu de acciappare s’immaginassione de sas parigas chi arribant dae tottu su mundu, cumbinchindelas a seperare sa Sardigna commente su logu po tzelebrare sa die pius importante de sas vidas insoro. Custu disignu audissiosu est naschidu dae sa partezipatzione de su frimmu disignu Love is Wedding e s’initziativa Say Yes in Italy, ambos impignados a favoressere sas estremadias italianas in su campu de sos isposonzos internatzionales.

Su SoulStir Trip promittit de essere una carraffale esperientzia, un’abbentura fundada supra s’iscoperta de sa natura innida, supra sas tradissiones de sa coghina, s’arte e sa posada unica, chi solu s’isula sarda ischit apparare. At essere un’occasione de non perdere po si tuffare in sas situassiones incantadas de unu logu, inube su passadu si fundet in
manera armuniosa cun su presente, creande iscenas chene tempus po sa die pius carraffale po una cropa.

Ma non sunt solu sas biddas de su Mesu Oriente a essere allibradas dae sas curnisas ispettaculares chi sa Sardigna podet apparare po un’isposonzu de sonniu. Sos Istados Unidos e s’India, in manera particulare, ant mustradu un’interessu chi est creschinde po sos isposonzos in s’Isula. Sas agentzias chi arribant dae custas biddas, battint
un’esperientzia manna in s’ordiminzu de isposonzos de isfartzu, chi resessint a isposare in manera perfetta, tradissione e modernidade, apparande in custa manera a sas cropas, un’isperientzia chi non si podet ismentigare e chi at addurare imprentada in sos coros insoro po totta sa vida.

S’agentzia indiana, in manera particulare, si annoditat po s’abilidade de sighire donzi elementu, dae sa cussoria particulare sighinde cun decorassiones reffinadas, creande unu logu prenu de maghia, chi incantat sos isposos e sos istranzos insoro. Cun d’una cura pretzisa de sos elementos e un’attentzione chene cunfruntos a sas esigentzias de sos isposos, custas agentzias tenent su compitu de trasformare donzi isposonzu in d’unu abbenimentu carraffale,
unu momentu de bellesa pulida e felicidade cun sa Sardigna commente isfundu chi che bogat s’alenu.

Po congruire, s’imbasione de sas agentzias internatzionales ismastridas in su turismu de isposonzos de isfartzu, est un’opportunidade unica po sa Sardigna, de mustrare a su mundu sas bellesas suas de sa natura, cultura
e de su mandigu cunfirmandesi semper de pius, commente unu de sos logos pius chircados, po chie sonniat un’isposonzu de contassia.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sardigna, partint sos iscontos de s’istiu su 5 de triulas: ma medas ant giai ispesu, paritzas offertas anticipadas.

Fintzas in Sardigna est tottu prontu po sa partentzia uffitziale de sos iscontos de s’istiu, chi ant a partire sapadu 5 de triulas e ant a durare 60 dies. Ma, comente evidentziat Confesercenti, medas cossumadores de s’isula no ant ispettadu s’incumintzu prevedidu: sas offertas anticipadas ant giai attiradu unu numeru mannu de comporadores, consumande unu terzu de sos affares totales chi s’istimant po sos saldos de s’istiu.

Secundu sos datos natzionales, in tottu s’Italia sunt gia bistados ispesos 700 miliones de euros, cunfrontandelu a unu giru de affares chi si prevedid de tres miliardos(narat su Codacons). In Sardigna, s’inclinu no est divressu: paritzos tzittadinos ant leadu s’occasione de sos abbasciamentos chi sunt giai presentes in sas buttegas, cun d’una ispesa media de pius de 100 euros po pessone.

“S’istagione de sos iscontos est giai partida- narat Confesercenti- gratzias a una campagna promotzionale cadria, in parte fintzas fatta online, chi at interessadu pius de sa medade de sos italianos”. Su 52% de sos affinadores at giai retzidu offertas, ma solu su 18% at comporadu. Unu 34% at detzisu de ispettare e de no nde approfittare, mentres su 45% chi addurat decrarat de no aere ancora retzidu nisciuna proposta de negossiu. Unu pitticcu 3% no si ammentat si li sunt arrivadas offertas.

In Sardigna, intre zentros de Negossiu e attividades in sos TzentrosIstoricos, sos isettos sunt artos, mescamente in sas zuras turisticas, inube su frussu de sos bisitadores diat podere espressare una ispinta importante meda po su negossiu locale. Sos campos pius importantes addurant cussos de sa bestimenta, cartazduras e atzessorios, cun isettos bonos fintzas po articulos isportivos e produttos po sa domo.

Sos mercaderis sardos, giai afferiados dae sas difficultades accolomicas post-pandemicas e dae s’inflazione,cuffidant in d’una istagione de iscontos positiva, gratzias puru a s’appellida turistica de s’isula in su coro de s’istiu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22