Su nomenadu chef e tzelebridade de sa televisione, Bruno Barbieri, at dae pagu acciappadu s’attentzione de sos media, pustis de essere bisradu avvistadu in Casteddu, capitale de sa Sardigna. Accumpanzadu dae sos meres de battoro famados hotel de Casteddu, Barbieri si est tuffadu in su berbore de s’isula, po si preparare a sa prossima puntada de “4 Hotel”, su nomenadu programma de sa televisione, dedicadu a sa valudassione de sos alloggios.

Sas carrelas de pedra de Casteddu, ant bidu su passaggiu de Barbieri e de sos cumpanzos suos, sinnande su cumintzu de un’abbentura de coghina e de retzida chi non si est bida atteras bortas, in su galanosu iscenariu sardu. Est bistada isparta sa emossionante assunta , chi custa noa edissione particulare de “4 Hotel” at essere ambientada de su tottu in Sardigna, battinde una bentada de friscura e novidade in su mundu de sa televisione chi allegat de coghina.

No est sa prima borta chi Barbieri aiat nadu chi cheriat dedicare una puntada intrea a sa Sardigna. In su mentres de unu abbenimentu de su passadu, in su coro de s’isula, aiat atzinnadu de s’occasione de iscumbattare a fundu sos ispantos de sa coghina e de sa posada de custa regione unica. Commo, cun s’arrivu sou a Villa Fanny, s’interesse sou
paret essere arrivadu a unu crompimentu prenu, prontu a iscumbattare sas delissias chi s’isula tenet de apparare paris cun sos meres de sos alloggios de Casteddu chi partetzipant a sa cumpetissione.

Sa nova chi “4 Hotel” ada a trasmittere tottu una puntada dedicada a sa Sardigna, at dispertadu galabera meda in mesu de sos sustenidores de sa trasmissione, sos cales non biene s’ora de si affundare in s’ambiente
unicu e in sa posada de sa regione, po mesu de su video.

Custu accadessimentu chi non est bistadu fattu atteras bortas, promittit de faghere creschere sa curiosidade e sos abettos de su pubbricu, chi commo si dimandat cun affascu chi at essere a sa fine su binchidore de custa porfia apprettante.

Po iscoperrere su risurtadu de custa cumpetissione, sos chi abbadiant sa televisione si ant a teppere armare de passentzia e ispettare cun attrudulu sa trasmissione de custa puntada dedicada a sa Sardigna in su canale de Sky, cando finamente ant a essere bogados a craru sos segretos e sos ispantos chi s’isula at riservadu a sos cuncurrentes e a sos ispettadores de tottu su mundu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

In su coro de Tattari, naschet unu de sos fraigos religiosos pius importantes e ammaghiantes de s’isula: su Seru de Santu Nigola, menzus connoschidu comente su Seru de Tattari. Custu monumentu mannosu, puntu de fentomu istoricu, artisticu e culturale, est un’esempru perfettu de ammisturu intre tennica architettonica romanica e gotica, arricchidu in sos seculos dae elementos baroccos e neoclassicos.

Su fraigu de su Seru est de su seculu XIII, cando est bistadu fraigadu subra de sa ruinas de un’antiga cresia paleocristiana. In su tempus, su Seru at tentu paritzos interventos e ammannios, chi nde ant arricchidu sa bista e s’istruttura, dandeli una bellesa particulare e un’ammaju chentza tempus. Sa fatzada sua si cualifficat po sa sentzigliesa romanica, cun arcos acuttos e una decoradura iscultorea delicada meda chi contat istorias de fide e devotzione.

Intro, su Seru si abberit in d’una navada tzentrale manna cun duas navadas a ladu, arricchidas dae altares baroccos, istuccos e operas de arte bellas meda. Intre sas operas pius pretziosas bi est un’organu antigu e unu cussertu de linna de primore chi arribat dae su seculu XVI. Meda ammaghiante est fintzas su pamentu a musaigu, chi azzunghet colore e vivesa a sos internos sacros. Su Seru de Tattari est puru sa sede de abbenimentos religiosos e de cultura  importantes meda chi animant sa vida de sa tzittade, divenninde unu logu de addobiu po sa comunidade locale e sos bisitadores.

Sa positzione tzentrale sua lu rendet atzessibbile cun fatzilidade e una frimmada chi non si podet perdere po chie cheret iscoperrere sas raighinas istoricas e ispirituales de sa tzittade. Sa bisita a su Seru est unu biazu in su tempus chi permittit de ammirare s’abilidade de sos artesanos e sa creschida artistica de Tattari,testimonzande sa fide e su connottu chi ant rugadu sos seculos.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22