Su presidente de su Movimentu 5 Isteddas, Zuseppe Conte, dae pagu at annuntziadu unu progettu mannu meda, chi serbit a potentziare su reddidu de tzittadinanzia in tottu sas comarcas in sas cales sa mossa at tentu unu sutzessu mannu in sas elessiones.

Custa affirmassione est bistada dada in d’una intervista scetti a “Diritto e Rovescio” supra de Rete 4, in sa cale Conte at puru espressadu criticas mannas meda a su Guvernu de Giorgia Meloni, chi at deffinidu su redditu commente “una cosa fatta dae su dimoniu, e destinadu a sos chi tenent pius bisonzu”.

Sa proposta de Conte, meledada sa volontade e sa determina de su Movimentu 5 Isteddas de oberare a livellu de sas comarcas po mezzorare e potentziare su meccanismu de su redditu de tzittadinantzia, riconnoschinde s’importantzia de dare unu accottu balidu e dignitosu a sos pius debiles de sa sociedade. De prusu, su presidente at annuntziadu s’intentu sou de promovere sa cuntierra in manera faghidora supra de custu problema, puru a livellu de s’Europa, cun s’intentu de formare unu fundoriu europeu po su redditu de dignidade.

Mancari eppat evidentziadu sas isfidas ligadas a su tremesu serradu de carchi guvernante europeu supra de custu afficcu, Conte at espressadu sa cunfiantza sua po sa possibilidade de cumintzare una dibatta po fraicare unu cunsensu po faghere diventare custa mesura de livellu europeu.

Su disignu proponnidu dae Conte, si ispirat a sos assempros positivos de atteros paisos chi ant giai affortigadu sas politicas de su reddidu de tzittadinantzia cun sutzessu, dande s’affiantza de unu trattu zustu e sustenidore po tottu sos tzittadinos.

Po mesu de custa initziativa, su Movimentu 5 Isteddas nom solu cheret dare unu accottu derettu a sas pessones chi tenent bisonzu, ma puru promovere unu cambiu sistemadigu po dare unu contribbudu a una zustissia de sa sotziedade, a livellu natzionale e de s’Europa. Si prenettat chi custu impignu, non solu tiat battire beneffissios craros po sos tzittadinos italianos, ma pottat puru influentzare in manera positiva s’agenda politica de s’Europa po unu accottu prus mannu e incluisione sotziale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dinamo Bancu de Sardigna patit sa secunda derrotta una fattu de s’attera in sa fase duos de sa Europe Cup, perdinde 76-83 cun sos frantzesos de Le Portel, in d’una partida giogada e pattada po casi tottu su tempus, ma chi est bistada detzisa in sos urtimos minutos .

Po sos tattaresos un’attera occasione perdida pustis de su passu falsu contra Bilbao, ma sas isperantzias de si qualifficcare addurant bivas. S’isquadra de coach Markovic si est presentada in Le Portel cun determina, mustrande dae sos primos minutos de podere cumpetere in manera chitta cun sos frantzesos.

Sa gara est bistada bilantzada in sas primas tres partes, cun sas duas isquadras chi sunt bistadas a su cumandu una fattu de s’attera chentza mai si che andare a daenanti. Sa terza parte si est serrada cun sos merese de domo a daenanti solu de unu puntu(61- 60), dassande suspentare una parte finale intzerta e chertadora.

In s’urtima parte, peròe, sun bessidas a pizzu sas difficultades de sos tattaresos, mescamente in s’attaccu. Mentres Le Portel at pottidu contare supra sas prestassiones istravanadas de Konate, Diawara e Nunge, sos tattaresos ant fatigadu a acciappare continuidade. A battoro minutos dae sa fine, sos frantzesos ant approffittadu de carchi sbeliu de sa deffensa de sa Dinamo po allonghiare.

Bell’ e chi custu, sa Dinamo no at mai molladu. Sos tiros de tres puntos de Veronesi e Fobbs, su menzus marcadore tattaresu cun 12 puntos, ant torradu a azzendere sas isperantzias de sos istranzos, chi sunt arrivados a -4 puntos. A donzi manera, in sos momentoz detzisivos, Le Portel at mustradu una frittesa e fortesa pius mannas, serrande sa gara cun su risurtadu de 83-76 conchistande duos puntos pretziosos in sa cursa po si qualifficare.

Mancari eppat perdidu, sa Dinamo at mustradu signales de corazzu. S’isquadra at gherradu a sa chitta contra unu cuntrariu de livellu artu, evidentziande tramas de giogu bonas e impignu mannu, ma est mancada, in sos momentos pius importantes, una cosa supra sa cale coach Markovic at a teppere tribagliare. Sa fase de s’attaccu in s’urtima parte de sa gara, in manera particulare, at evidentziadu una mancantzia de lutidade, mentres in sa defensa si sunt bidas mancantzias chi ant permittidu a sos frantzesos de approffittare de situassiones de favore.

Cun duas derrottas in duas garas, sa Dinamo est como in d’una posissione cumplicada , ma su caminu po passare sa muda benidora no est cumpromissu. Ant essere de fundamentu sos impignos pius accurtzos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22