In sa tzittade de Karnal, chi set attesu tres oras a norti de Nuova Delhi, est accadessida una cosa istraordinaria, chi at bocadu a campu su podere, chi nisciunu si ispettaiat dae unu camminu iscassadu. Cussu chi commente regula est cunsideradu unu problema, in custu casu si est iscobiatu commente una benedissione chi niunu isperaiat.

Unu toffu in su camminu istrossau at isboddiadu su rolu de sarbadora, faghinde torrare a bida, un’omine chi aiant decraradu che mortu, e che lu fint leande a so logu inue issu tiat a essere brujadu.

Sa dirgrassia chi non si potet creere, est sutzessa cando un’ambulantzia fit passande in d’unu camminu iscassadu, cun toffos artos meda. In d’unu logu in su cale sos toffos artos sunt unu problema connoschidu in medas logos de s’India,cust’istoria est unu esempru de comente una sitzuazione de perigulu potat cambiare in d’una occasione miraculosa de iscampu.

Su malaidu, chi fit istadu declaradu mortu, che lu fint leande po s’urtimu viazzu sou, cando s’ambulantzia de bottu at corpadu unu toffu. Sa cunseguentzia de su’abbruncu est bistada istraordinaria e imprevedida,
un ispetzie de attrippada naturale,at fatto torrare a partire su coro de s’omine. Tottu custu at fattu torrare a compudare sa situassione, ambiande cussu chi pariat essere unu destinu tragicu corruttu, in d’una secunda possibilidade de vida.

Sas carrelas iscassadas in India, sunt famadas po sa perigulosidade, e ispissu faghent sutzedere paritzas disgrassias. Carchi toffu est gai mannu chi est una minetta reale po sa siguresa de sas carrelas. Peròe, in custu casu, unu de custos toffos, imbetzes de essere unu perigulu, si est trasformadu in d’unu anghelu de sa guardia chi non si ispettaiada, donande una vida noa a un’omine chi aiant cunsideradu commente mortu.

Custa cosa istraordinaria, bogada a campu paritzas dimandas supra sa siguresa de sas carrelas e evidentziat sa netzessidade de faghere sas cosas impresse, po mezzorare sas carrelas in paritzas zuras. Mentres sas
carrelas iscassadas potent essere un’isfida po sos chi si movent onzi die, custu casu unicu, cumproat chi, a bortas, puru sos problemas prus mannos, potent tennere solussiones chi non si ispettana, e chi surprendent in positivu.

Sa carrela iscassada de Karnal, poninde a una banda sas cundissiones suas, est diventada teatru de unu miraculu, chi at torradu sa vida e s’isperantzia a unu cristianu, cumproande, chi, carchi orta sa fortuna podet bessire a campu inue pius pagu no l’ ispettamos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dinamo Bancu de Sardigna patit sa secunda derrotta una fattu de s’attera in sa fase duos de sa Europe Cup, perdinde 76-83 cun sos frantzesos de Le Portel, in d’una partida giogada e pattada po casi tottu su tempus, ma chi est bistada detzisa in sos urtimos minutos .

Po sos tattaresos un’attera occasione perdida pustis de su passu falsu contra Bilbao, ma sas isperantzias de si qualifficcare addurant bivas. S’isquadra de coach Markovic si est presentada in Le Portel cun determina, mustrande dae sos primos minutos de podere cumpetere in manera chitta cun sos frantzesos.

Sa gara est bistada bilantzada in sas primas tres partes, cun sas duas isquadras chi sunt bistadas a su cumandu una fattu de s’attera chentza mai si che andare a daenanti. Sa terza parte si est serrada cun sos merese de domo a daenanti solu de unu puntu(61- 60), dassande suspentare una parte finale intzerta e chertadora.

In s’urtima parte, peròe, sun bessidas a pizzu sas difficultades de sos tattaresos, mescamente in s’attaccu. Mentres Le Portel at pottidu contare supra sas prestassiones istravanadas de Konate, Diawara e Nunge, sos tattaresos ant fatigadu a acciappare continuidade. A battoro minutos dae sa fine, sos frantzesos ant approffittadu de carchi sbeliu de sa deffensa de sa Dinamo po allonghiare.

Bell’ e chi custu, sa Dinamo no at mai molladu. Sos tiros de tres puntos de Veronesi e Fobbs, su menzus marcadore tattaresu cun 12 puntos, ant torradu a azzendere sas isperantzias de sos istranzos, chi sunt arrivados a -4 puntos. A donzi manera, in sos momentoz detzisivos, Le Portel at mustradu una frittesa e fortesa pius mannas, serrande sa gara cun su risurtadu de 83-76 conchistande duos puntos pretziosos in sa cursa po si qualifficare.

Mancari eppat perdidu, sa Dinamo at mustradu signales de corazzu. S’isquadra at gherradu a sa chitta contra unu cuntrariu de livellu artu, evidentziande tramas de giogu bonas e impignu mannu, ma est mancada, in sos momentos pius importantes, una cosa supra sa cale coach Markovic at a teppere tribagliare. Sa fase de s’attaccu in s’urtima parte de sa gara, in manera particulare, at evidentziadu una mancantzia de lutidade, mentres in sa defensa si sunt bidas mancantzias chi ant permittidu a sos frantzesos de approffittare de situassiones de favore.

Cun duas derrottas in duas garas, sa Dinamo est como in d’una posissione cumplicada , ma su caminu po passare sa muda benidora no est cumpromissu. Ant essere de fundamentu sos impignos pius accurtzos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22