Maria Paolucci, nodida po sas avventuras e sa primorosia sua in su contare sa bellesa de sa Sardigna, si abberidi oe a unu capitulu nou de sa vida sua, iscobiande sa prima borta sua commente interprete a sa sola cun sa cantone “Su Viazzu”.

Sa cantone, presentada su 26 de ennarzu, est como disposta in tottu sas primarzas buttegas de streaming e digitales. Maria, giai connoschida po aere contadu sas esperientzias suas de sos viazzos supra de sos social, logu in su cale tenet 130.000 pessones chi la sighini, at fundatu s’attividade sua in su 2021, proponninde esperientzias unicas, chi ana ghiadu miza e miza de pessones a iscoberrere sas meravizzas de sa Sardigna.

Bell’e gai, pagos sunt a connoschentzia de sa passione segreta sua po sa musica, una passione contipizada dae cando fit pitzinna. A poi de annos de istudiu e de ascurtu po programmas de musica importantes in Italia,
Maria at fattu parte de una parizza, ma s’arrivu de sa pandemia, at arroccadu su caminu musicale sou. Commo, cun energia noa, est pronta ma torrare supra s’iscena musicale commente cantante a sa sola, donande a su mundu una cantone chi est dedicada a sa terra sua e a tottu sos chi amana sos viazzos.

Sa cantone “Viazzu” est un’esperientzia musicale chi si fundede cun sa passione sua po iscumbattare; est un’innu a sa libertade e a s’abbentura, chene ismentigare mai sas raighinas. Sa cantone meledada sa vida de Maria, commente ghia turistica e biazadora amantziosa. Iscritu cun s’azzudu de su prenu de addelentu Zeep, autore e cantadore, e prodottu dae su famadu Mark Tembo, su singru tenet puru su mandu de essere sa sigla de su primu programma televisivu de Maria, “In viazzu cun Maria Paolucci”, trasmittidu in Tele Costa Smeralda in su mese de Santu Aini de su 2023.

Sa cantante, cheret aggratziare tottu cussos chi l’ant agguantada e chi sighini a creere in issa, augurandesi chi “In viazzu” potat essere de ispirassione po sas pessones, po lis faghere iscoberrere su mundu, e sighire sas passiones insoro, e chi sa cantone potat essere sa sigla de meda temas supra de sos social, e de base po addizos iscetti po su
numeru prus mannu de pessones.

Cun su talentu sou lentu, sa ghia sarda, sighit a mustrare chi su viazzu de sa vida est unu sonu blandu de componnere e de cantare cun coro e determinu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22