Su doighi de su mese de ennarzu 2024 est bistada una die de festa po suquartieri de su Sole, pro itte sunu bistada  abbertas a sa zente duas zuras birdes assupridas meda, cambiande unu zassu de casi 6.000 metro quadrados in logos de disaogu e de relax.

Custu risurtadu est bistadu possibile gratzias a paritzos interventos po ponnere a nou tottu, finantziados cun s’azzudu de sos fundos PON Metro React-EU, chi an torradu a dare bibesa a custos picculos de s’iscrocca chi a innantis fidi dilzeniada.

Sa prima zura, in sa bia Procida, de casi 5.000 metro quadrados, si presentada, commente un’oasi tancada, arricchida dae unu percursu de salude cumpridu, una zura po sos giogos dedicada a sos pius pitticcos e una zura de relax po sos mannos. Sun bistados postos finzas atteros arbules e mattas, chi ana permittidu a custu zassu de sa tzittade de divennere pius birde.

Sa secunda zura, de casi 1.000 metros quadros in sa bia Levanzo, at leadu vida commente unu paradisu po sos amigos a battor’ancas, ca est bistada riservada commente zura abberta po sos canes. Custa sebera est bistada fatta ca bi sunu muros perimetrales in sa parte pius manna e fintzas ca bi sunu pagas attividades de vitturas, permittinde unu impreu po sos animales chessinos.

Tottu custu faghet parte de unu disignu agudissiosu meda po su recuberu e su potentziamentu de sas zuras birdes de sa tzittade, poninde a pare 27 trettos intro de su programma de finantziamentu europeu PON Metro React-EU. Su sindigu de Casteddu Paulu Truzzu, ada suttalineadu s’importantzia de custos interventos in su cuartieri de su Sole, poninde in evidentzia, commente accabbana sos isfortzos fattos dae s’amministratzione in su cuartieri.

Su vice sindigu e assessore a su birde pubblicu, Giorgio Angius, ada nadu fintzas atteras cosas supra de sas noas zuras birdes, deffininde sa zura de sa bia Procida, commente una palestra a s’abbertu, cun zuras mannas meda dedicadas a su fitness ,giogos po sos pitzinnos, e de relax. Ada fintzas postu in evidentzia, s’attentzione dedicada a su birde cun sos arbules e sas mattas.

Po sa bia Levanzo, Angius ada suttalineadu sa dedica sua a sos amigos a battor’ancas cun d’una abbertura chena cungiaduras, po garantire unu ambiente siguru e francu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22