Su bindighi de su mese de Maju de s’annu passadu, ada addurare signadu in sa memoria de parizzos casteddaios. E ,cando, sumanzanu chitto, prima de s’essida de su sole si est aberguada sa rutta de su maestosu arbure de ficus seculare,chi dominaiat sa plata Ingrao, a pagos passos dae sa pius connoschida bia Roma, in Casteddu.

Po fortuna, in cussu momentu de ruina,sa segrestada plata Frantziscu Paulu Ingrao e su marciape’ de cussu logu, fini privos de presentzias de omines, cansiande gai una tragedia.

Su destinu, a su mattessi tempus, fit preparande un’atteru corpu a su coro de cussa ispantosa area de sa tzittade.

Cando che fin leande s’arburea ruttu, difattis, s’edicula a lacana at tentu unu tzedimentu, bogande a pizzu atteras cumplicatziones po una situazione chi giai fit critica po contu sou. Po unu miraculu, su mere de s’istorica edicula, Antoni Durzu non ada tentu dannos, po su motivu chi po fortuna a cuss’ora de su manzanu, no fit ancora arrivadu in su logu de su tribagliu sou.

In sos meses chi sunt bintrados, Durzu, cun meda ostinatzione e animu, at sighidu s’attividade de endida de sos giornales, dae intro de una macchina, e mancari parItzos meses de interrutzione forzada po sa maledizione chi aiat corpadu s’edicola sua. Commo, passadu su tempus longu  de frimmada e de isfidas, Durzu podet essere cuntentu ca s’istorica attividade sua podet torrare a abberrere.

Su torrare a naschere de custa edicula est su simbulu, non solu de sa fortza individuale de su mere sou,ma fintzas de sa resilienzia de sa comunidade locale de affrontare sas cosas feas. Sos tzittadinos de Casteddu ana dimustradu parizza solidariedade e azzudu in sos cunfrontos de Durzu, in su tempus longu de su recuberu. S’abbertura noa de s’istorica edicula est diventada unu signu pretzisu de isperanzia e de rinnovamentu po totta sa comunidade, unu simbulu de commente sa determinatzione e su sostegnu chi si ottenidi pari pari pottat superare finzas s’isfida prus diffItzile.

Oe, sa pratta Ingrao, acciappada un’attera orta sa vitalidade sua, chi est finzas prus ricca dae sa presentzia de sa noa edicula Durzu, chi est sa tistimonza de sa fortza de s’umanidade e de sa resilientzia in daenanti de sas avversidades de sa vida.S’istoria de Antoni Durzu e de s’edicula sua est diventada unu capitulu ispiradore de s’istoria de sa comunidade casteddaia, faghinde cumprendere chi puru cando bi est una rutta improvvisa, sa possibilidade de torrare a naschere est sempere presente, cando si affrontada su destinu cun determinu e afficcu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Iscoperta una necropoli in su Nord Sardignain su mentres de sos tribaglios po un’approntu solare.

Un’iscoperta archeologica importante meda est bistada fatta in su Nord Sardigna in su mentres de tribaglios ligados a sa produssione de energia pulida. In sa zura industriale de truncu Reale-Sant’Agostino, accanta a Tattari,sos iscavos de ammaniada pro fraigare un’approntu solare ant fattu bessire a pizu una necropoli chi fintzas a oe non fuit bistada mai iscoperta.

S’accattu est sutzessu in sa zura curada dae su Consorziu Industriale de Tattari. Sos iscavos sunt incumintzados in su mese de martu de su 2024, cando sunt bistados cunviados sos controllos de su terrinu prima de fraigare s’impiantu. In su mentres de custos controllos sos archeologos ant acciappidu istrutturas sutta de terra e, sighinde cun sos iscavos, ant cumpresu chi si trattaiat de unu logu antigu de tumba.

Secundu su chi pensant sos espertos, su logu est importante meda po s’istoria e s’iscentzia. In sa zura sunt bistadas agattadas tres tumbas mannas iscavadas in sa rocca, istrutturas mannas chi faghent pensare a tumbas de balore mannu po sas populatziones chi biviant in custa zura in s’antichidade. S’iscoperta est fintzas prus interessante pro sa presentzia de decorassiones fittadas supra sas barras’e muru de sas tumbas. Si trattat de signos e pintas fittados in sa rocca in sos seculos passados. Custa fittadas faghiant parte de su connottu de sos interros de sas populatziones antigas de sa Sardigna e a s’ispissu teniant unu signifficu simbolicu o religiosu.

Po sos istudiosos custos elementos sunt importantes meda pro itte podent azzuare a cumprendere menzus comente biviant sas comunidades de su tempus passadu e cale esserant sas credentzias insoro. Sas tumbas e sas decorassiones diant podere dare novas supra su connottu, sa cultura e sa vida de sas pessonas chi biviant in s’iscrocca tattaresa mizza e mizza de annos faghet.

Sos archeologos ant a sighire a istudiare sa zura e analizzare tottu su chi est bistadu acciappidu in su mentres de sos iscavos. Donzi particulare novu diat podere accreschere sas informatziones chi serbint pro fraigare s’istoria de su logu. Custa iscoperta mustrat un’attera borta cantu sa Sardigna siat ricca de testimonzas de su passadu. Fintzas in su mentres de tribaglios modernos, comente cussos ligados a sa produssione de energia, podet capitare de acciappare andalas de tziviltades antigas meda chi contant s’istoria longa de s’isula.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22