Sa bellesa ammajadora de sa bidda de Mandas est istada onorada dae sa presèntzia de  istràngios de onore chi ant agiuntu prus fama a sa manifestatzione de Saboris Antigus, unu de sos eventos prus isetados e prus importantes de su territòriu in custa parte de s’annu. Tra sos protagonistas tocat a remonare sa bllerina, atoressa e cantante sarda Valeria Marini, paris cun s’illusionista Giucas Casella. Sa bidda e totu sa comunidade de Mandas at  retzidu cun entusiasmu e brègiu custos òspites de talentu meda connotos a livellu natzionale.

Nointames sas “criticas sotziales”, est a nàrrere sas ofesas fatas in sos mèdios de cominicatziones comentes facebook e Istagram, contras a  Valeria Marini, issa at paradu fronte cun grinta e determinu totu sas criticas.

S’editzione 2023 de Saboris Antigus si cunfigurat comente a unu biàgiu a s’iscoberta de sas produtziones tìpicas e de sos primores locales. Intre sas paradas cun sos produtos locales, sas domos antigas, sas crèsias e sos sitos archeològicos, sa manifestatzione si proponet de avalorare s’autentitzidade de su territòriu a traessu dimustratziones pràticas de artisanos, espositziones e meda àteru.

Sa presèntzia de medas visitadores testimòniat s’entusiasmu de sa gente e su disìgiu de ammirare sas bellesas de su territòriu e de tastare sos produtos suos. Però, su momentu prus abetadu est istadu indiscutibilmente cssu dedicadu a Valeria Marini. Fintas su sìndigu de sa bidda, Umberto Oppus, at publicadu una fotografia  in primu pranu, paris cun sa  presèntzia de s’artista famada de orìgine sarda.

Su calendàriu de Saboris Antigus 2023 at giai tocadu diversas tapas, comente Xrexei, Sèlegas, Serri, Sriugus Donigalla, Gèsigu, Sueddi, Guasila e Mandas, donende a cada localidade s’oportunidade de espressare sas peculiaridades  e traditziones issoro. Sa rassigna enogastronòmica at a acabbare in Nurri su 23 de nadale, cun s’ùrtimu apuntamentu chi at a serrare custa ventura intre sas mègius de su territòriu

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa detzisione de sa Giunta Regionale de sa Sardigna de nomenare Alessandro Inghilleri commente responsabbile de sa protessione de sos elementos (RPD), po su momentu, sighinde sa proposta de sa presidente Alessandra Todde, est unu passu importante po sighire su regolamentu (UE) 2016/79 supra sa protessione de sas notissias personales e sa libera tunda de custas notissias.

Custa nomena, chi balet fintzas a su 31 de triulas de su 2024 oppuru fintzas a sa congruida de sas proceduras po nde
nomenare un’atteru, mustrat s’impignu de s’amministrassione regionale po garantire sa cufformidade a sas regulas de s’Europa po sa privacy.

Tambene, supra una proposta de sa Presidente, ant votadu su mezzoramentu de sos indiritzos operativos po sas attividades de preparassione e po s’isboligamentu de sas accorradas de sa Giunta Regionale. Benit fundada sa “pre Giunta”, cunvocada dae su capu de cabinette de sa presidentzia e allargada a sos capos de cabinette de sos atteros assessorados, pro mezzorare sa lestresa e sa coordinassione intro de s’esecutivu regionale.

Un’attera detzisione importante meda est cussa chi annuddat sa delibbera 6/17 de su 23 de frearzu 2024, chi appartennet a sa confirma de sos istudios po sa possibilidade de faghere ispidales novos, presentados dae sas Aziendas de su Serviziu Sanidariu Regionale. Custa movida l’at proponnida s’assessore a sa sanidade, Armando Bertolazzi, e presentat una baludassione critica supra de sa mancantzia de sa cobertura finantziaria e de su tempus chi serbit, in sa delibbera de sa Giunta Solinas.

S’iscantzellatzione de sa delibbera supra de sos ispidales novos, at fattu cummentare a sa Presidente Todde, chi at postu in evidentzia sa mancantzia de organissasione e su bisonzu de tennere in cunsideru tottu sos effettos supra de s’assentu de sa sanidade in tottu su cumplessu sou. Custu accadessimentu evidentziat s’importantzia de unu controllu discretu de sas possibilidades e de una organissasione accurada po garantire unu assentu de sa sanidade balente e agguantabile.

In piusu, sa Giunta at approvadu sos cumpensos po sos foranos de sa Segreteria Tecnica-iscentifica de su Comitadu Morale de s’iscrocca (CET)Sardigna, incarricande s’Azienda Regionale de sa Salude(ARES) de pagare sos cumpensos a poi de sa rendicontassione. Ant puru istabilidu sas regulas regionales po sas curas in domo a livellu base, incarricande su Servitziu de sa Direzione Generale de sa Sanidade de annodare su sistema Informaticu de sa regione po trassare sas curas.

Po finire, sa revoca de sa delibbera 35/14 de su 25 de santuaini 2023 chi appartennet a s’azzorronamentu de sos recuisidos po s’autorissasione de sos servitzios residentziales po su trttmentu de sa dipendentzias estremas, mustrat s’impignu po unu controllu critigu de sas politicas cabidianas po mezzorare sa balidia e sa balentia de su sistema sanidariu regionale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22