Trèighi sos prèmios de su Babel film fèstival in sas diversas categoria. Neighbours de Mano Khalil binchet su prèmiu Maestrale  pro sos longumetràgios.

S’est concruida eris, su 7 de mese da ladàmine, in su teatru Doglio de Casteddu sa tzerimònia de sa de oto editzione de su Babel Film Fèstival, cun s’intregu de trèighi prèmios. Su cuncursu tzinematogràficu internatzionale est dedicadu a sas produtziones audiovisivas  in sas limbas minoritàrias de totu su mundu. Sa serada est istada presentada dae Tore Cubeddu,  diretore artìsticu e organizadore de su fèstival, agiudadu dae Antonello Zanda e Paolo Carboni.

Sa giuria, ghiada dae su regista Paolo Benvenuti, fiat formada dae giornalistas, produtores tzinematogràficos e espertos de cabale de limbas minoritàrias, chi ant assignadu sos prèmios printzipales. Bi fiat Serena Schiffini, (giornalista e regista de sa RAI Sardigna), Marina Marzotto (produtora tzinematogràfica), Emanuele Gallones (produtore e distribudore), Paulo Filgueiras Fachal, (assòtziu galitzianu “A Mesa” pola Normalización Lingüística)

Tras sos prèmios prus importantes faghet a numenare su prèmiu Maestrale pro su mègius longumetràgiu (de 5.000 èuros),  chi est andadu a Neighbours, de su regista de su Kurdistàn sirianu Mano Khalil, chi allegat s’istòria ambientada in unu bidditzolu minore postu a làcana intre Sìria e Turchia a su cumintzu de sos annos ’80 e de unu pitzocheddu curdu a su primu annu de iscola chi a dolu mannu bivit in pitzu suo su cambiamentu causadu dae su natzionalismu.

In custa setzione at tentu unu mentovu ispetziale Y SŴN, de su gallesu Lee Haven Jones. Su Prèmiu “Maestrale” pro su mègius documentàriu (de 2.500 èuros) est istadu intregadu a Ulderica, fruta de mont, de su regista Stefano Giacomuzzi. Imbetzes su Prèmiu “Maestrale” pro su mègiu curtumetràgiu de fintzione (de 2.500 èuros) est istadu intregadu a su filmadu Takanakuy, de su regista  brasilianu Gustavo Vokos, cun unu mentovu ispetziale pro Things unheard of, de su regista turcu Ramazan Kilic.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22