Sa Sardigna si cunfirmat “ìsula de s’isport” cun una torrada de su biliardu a traessu sas “Biliardiadi,” un’eventu internatzionale sena pretzedentes. Custu torneu istraordinàriu faghet parte de un’ambitziosu cartellone triennale, promòvidu dae s’Assessoradu de su Turismu, chi punnat a cunsagrare sa Sardigna comente  destinatzione de primore pro sos apassionados de isport de totu su mundu. Cun prus de baranta manifestatziones in programa dae su mese de martzu a santandria, s’ìsula est devènnida su palcoscènicu perfetu pro promòvere su turismu e s’ospitalidade sarda.

S’Assessore regionale de su Turismu, Gianni Chessa, at sutaliniadu s’importu de custu eventu durante sa presentada de sas “Biliardiadi,” chi s’ant a fàghere in Calanzanus dae su 20 de cabudanni a su 1 de santugaine. Prus de 250 giogadores, acumpangiados dae tècnicos e sustenidores, ant a lòmpere dae 15 diversas natziones pro partetzipare a custu torneu èpicu.

S’arribu de gosi medas partetzipantes  internatzionales est una testimonia de sa reputatzione bona chi sa Sardigna tenet comente  tzentru de primore isportivu. Custos visitadores ant a contribuire siat a sa promotzione de s’ìsula, siat a sa valorizatzione sua. Sa presèntzia de sos mèdios de comunicatzione ispetzializados chi ant a sighire s’eventu at a garantire una visibilidade globale pro sa Sardigna comente  destinatzione isportiva de su primu pranu.

S’Assessore Chessa at postu a notu sa presèntzia etzetzionale de giogadores internatzionales e s’impatu positivu chi at a tènnere in s’istajone turìstica de sa Sardigna, andende prus addae de su traditzionale perìodu istiale. Sa Sardigna est essende a campu comente unu puntu de riferimentu pro sos amantiosos de s’isport, unu logu ue cumpètere, sotzializare e gosare de sas bellesas naturales de s’ìsula.

Sas “Biliardiadi” rapresentant un’oportunidade ispantosa pro sos giogadores de biliardu de totu su mundu chi si bolent disafiare in unu cuntestu internatzionale. In su matessi tempus, oferint a sos abitantes de sa Sardigna e a sos visitadores s’oportunidade de assistire a cumpetitziones isportivas de livellu mundiale.

S’entusiasmu pro custu eventu at conchistadu totus e sa Sardigna est pronta a dimustrare torra sa passione sua pro s’isport e sa capatzidade sua de acasagiare eventos de grandu importu. Sas “Biliardiadi” promitent de èssere una tzelebratzione de su biliardu a livellu internatzionale e un’oportunidade ùnica pro sa Sardigna de si fàghere connòschere in su mundu de s’isport.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22