Una noa virale est girende in sa retza gràtzias a su determinu de un’imprendidora agrìcula de Otieri, Agnese Cabigliera. Agnese at contadu de àere retzidu una telefonada dae un’imprendidore de su setore energèticu chi l’at fatu sa proposta de donare sos terrenos de s’azienda sua pro bi pònnere pannellos fotovoltàicos.

In una die caente de austu, pròpiu a sas 12:30, mentras fiat ammaniende su pràngiu, Agnese at retzidu una mutida chi non s’isetaiat. A s’àtera parte de su telèfonu bi fiat un’òmine chi s’est presentadu comente imprendidore in su setore fotovoltàicu e at propostu una collaboratzione pro s’installatzione de pannellos solares in su terrinu agrìculu de s’azienda sua. Ma sa risposta de Agnese est istada detzisa: “Mi dispraghet, ma at mutidu sa persone isballiada. Deo penso chi sa Sardigna non devet devènnere sa colònia energètica de nemos”.

Custa risposta ispantosa at ispantadu s’interlocutore chi at provadu a argomentare sa proposta, ma  Agnese non at cambiadu idea, antzis, at  cumpartzidu sas riflessiones suas in s’artìculu, ponende in discussione s’svilupu de pannellos fotovoltàicos e palas eòlicas in totu s’ìsula.

Agnese in pagos foeddos at iscritu chi a bisu suo  custa cursa a s’energia rennoaditza diat pòdere isnaturare su paesàgiu sardu e influentzare in manera negativa s’atrativa turìstica de s’ìsula. Sa pessamentu suo est cumpartzida dae medas: comente diat pòdere sa Sardigna devènnere un’atratzione turìstica si su paesàgiu naturale suo esseret guastadu dae impiantos energèticos? Imbetzes, issa sugerit de cunsiderare s’installatzione de pannellos fotovoltàicos subra de istruturas chi giai esistint in sos tzentros abitados.

S’anàlisi de Agnese at postu in evidèntzia comente protzessos cumplessos comente sa transitzione energètica recherent un’acostamentu atentu, invitende a istudiare, aprofundire e regulare custas dinàmicas in modu de garantire su benefìtziu de totus e su respetu pro s’ambiente. S’istòria de sa Sardigna est istada signada dae isfrutamentos sena cuidadu, ma immoe b’at sa possibilidade de seberare cun determinu su benidore de s’ìsula cun atzione chi tutelent e valorizent su patrimoniu naturale e culturale suo.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

S’iscola frantzesa de s’aggregamentu Nitting-Voyer-Hermelange, posta in sas campagnas prenas de espressione a costazzu de Sarrenbourg, Mosella, in sa parte norti orientale sa Frantza, at dae pagu tempus accollidu battoro istudiantes novos in su corpus de sos istudiantes. Ma bi est una particularidade chi non si podet creere: custos istudiantes non sut umanos, ma battoro berbeghes prenas de gratzia.

John Deere, Valeriane Deschamps, Phil Tondus e Marguerite Duprès, sunt sas berbeghes chi ant acciappidu logu in sas aulas de s’iscola, in d’una protesta prena de intriscu contra sas regulas chi amminettaiant sa serrada de classes cun d’unu numeru mancante de istudiantes.

Sa situassione fit critica: su ministeru de s’istrutzione frantzesu aiat istabilidu chi po mantennere funtzionante sa cuinta de s’iscola elementare in su mese de capidanni, sos tres comunes teppiant tennere a su nessi 98 iscrittos. Bell’e gai, su numero de sos istudiantes fit firmu a 94.

Po binchere custa porfia, su sindigu prenu de inzeniu e s’uffitziu iscolasticu ant dezisu de leare in prestitu battoro berbeghes dae unu gentile massaju de su logu. Donzi berbeghe est bistada trattada cun sa mattessi guera de un’istudiante beru: est bistada assinzada a issas una famiglia adottada, unu indiritzu e puru una data de naschida. Sos particulares sunt bistados controllados cun meda attentzione e sos dossier finidos sunt bistados
mandados a su Ministeru de s’istrutzione, cun s’azzudu e sa collaboratzione de s’uffitziu de su comune.

Ma pro itte berbeghes? Commente ispiegat Loic Firtion, presidente de s’assotziu de sos babbos e sas mamas,” a differentzia de sas berbeghes, sos pitzinnos non tepent essere trattados commente numeros”. Custa movida disabbuda at battidu unu nuntzu forte meda supra su bisonzu de trattare sos istudiantes cun sentidu chi benit dae intro e individualidade, imbetzes chi los relegare a tzifras simples in d’unu fozu de calculu.

S’accollidura riservada a sas berbeghes dae parte de sos istudiantes beros est bistada carda meda e prena de ispiritu. Sos cumpanzos de classe ant preparadu cartellos de benennidu e ant creadu unu chintu pitticcu fora de s’iscola, in manera chi sas berbeghes poderent passare su tempus insoro in trancuillidade cando fint in iscola.

Custa protesta disabbuda , non solu at postu s’attentzione supra sa situassione critica de sas iscolas de campagna, ma at puru promovidu unu nuntzu de incluisione e rispettu po donzi membru de sa comunidade iscolastica, umanu o animale chi siat.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22