Un’òmine de 72 annos residente a Siamanna, in sa provìntzia de Aristanis, est istadu ricoveradu in s’ispidale San Martine de Aristanis e posca trasferidu a su repartu de maladias infetivas de s’ispidale de Sàssari, a càusa de sa Calentura de su Nilo, su primu casu umanu de contàgiu de su virus West Nile mai registradu in Sardigna.

Sa situatzione est istada decrarada suta controllu dae sa diretora de su Servìtziu de Igiene e Sanidade Pùblica de s’Asl 5, Maria Valentina Marras. Sas cunditziones de su malàidu sunt definidas mediocres, e s’istadu suo de salude est compidadu dae totu su personale mèigu de su repartu ospedalieru de Sàssari.

Su malàidu est istadu ricoveradu cun calentura arta in s’ispidale de Aristanis, e deretu sa diàgnosi est istada sa de sa Calentura de su Nilo. Sa cunfirma ufitziale de sa maladia est arribbada a pustis de sos esàmenes fatos acanta su laboratòriu de s’Azienda Ospedaliera Universitària de Casteddu.

In pretzedèntzia, in su mese de trìulas, fiant istados agatados positivos a sa Calentura de su Nilo unos cantos esemplares de tzìntzulas atzapdas in Torregrande, e fintzas duos corragas mortas dae unu cassadore in su matessi puntu de su territòriu de Solarussa. Custu sugerit sa presèntzia de su virus in sa zona.

Sa Calentura de su Nilo est una maladia virale trasmìtida dae su tzìntzalu infetadu a sos pugiones, a s’òmine o a àteros animales a traessu de sa puntura de su vetore. In s’80% de sos casos, s’infetzione est asintomàtica, mentras in su 20% podet causare sìntomos sìmiles a cuddos de s’nfluèntzia, comente  calentura, dolore de conca, ganamala e bòmitu. In casos raros, prus pagu de s’1%, podet passare aencefalite o meningoencefalite, chi podent èssere graves e finas mortales.

Est importante dare atentzione a sas medidas preventivas contra su tzìntzalu, comente  impreare produtos e bestires adatos, pònneres in sas abitatziones retzas pro su tzìntzalu pro reduire s’arriscu de infetzione.

Sas autoridades sanitàrias sunt traballende pro compidare s’ispàinu de sa maladia e compidare sa situatzione in Sardigna.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22