In s’espositzione de sas òperas de un’artista, si podet semper agatare unu bucone de vida, una narratzione chi contat s’istòria de s’artista matessi. Est  custu su casu de sa meravigiosa tzeràmica de Pina Monne, a su presente in mustra a su Museu de arte moderna e cuntemporànea de Atzara.

S’òpera de s’artista muralista de Irgoli, intitulada “Omaggio a Desulo”, contat un’istòria de vida, unu momentu particulare, a dolu mannu tristu, de s’esistèntzia de custa artista sarda de talentu. Esposta dae pagua su MAMA, sa tzeràmica costoit unu momentu tràgicu chi at marcadu a fundu sa vida de Pina Monne, mentras s’agataiat in sa bidda de Dèsulu pro realizare unu murale.

A traessu de custa òpera de tzeràmica, Pina Monne rendet donu a sa comunidade desulesa chi s’est istrinta a inghìriu a issa, ammustrende una calidade distintivu de sas comunidades de su tzentru Sardigna: sa solidariedade. Est sa solidariedade de sa comunidade chi at sustentadu e acumpangiadu s’artista in unu momentu gasi difìtzile de sa vida sua, ammustrende una bighinàntzia umana chi andat iprus addae de s’arte matessi.

Su MAMA, atzisadu dae custa tzeràmica, at detzìdidu de la cumpartzire cun su pùblicu, ca s’arte no est petzi bellesa estètica, ma fintzas cura. Custa òpera de arte tocat su coro e trasmitet unu messàgiu de isperu e de cunnessione umana chi superat sas làcanas de s’espositzione matessi.

Sa tzeràmica de Pina Monne rapresentat un’esèmpiu pràticu de comente s’arte potzat èssere unu mèdiu pro espressare e cumpartzire sas esperièntzias de vida, siat cuddas de brègiu, siat  cuddas de dolore. Est a traessu de s’arte sua chi s’artista resesset a comunicare e a trasmìtere sentidos profundos, interessende su pùblicu in unu diàlogu mudu ma balente.

S’istòria de Pina Monne e de su donu suo a Dèsulu nos ammentat chi s’arte podet andare  prus addae de sas làcanas de s’estètica pura e devènnere unu trastu de cunnessione umana, de consièntzia e de riflessione. A traessu de su traballu suo, s’artista nos cumbidat a non castiare  ebbia sa superfìtzie de sas cosas, ma de collire sa bellesa e sa profundidade chi si cuat in sas istòrias de vida de ogni indivìduu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22