Federica Sciarelli at agatau unu pitzocu de 15 annos isparidu dae oras. Sa presentadora de Chi l’ha visto?, at fatu de sa chirca de sos iscumpartos una missione de vida, chi andat prus addae de su traballu. Cun a palas inchiestas e chircas de persones iscumpartas, sa giornalista at agatadu su pitzinneddu chi pariat èssere istadu ingùrtidu dae sa terra.

Lu chircaiant dae oras fintzas cun sos elicòteros a pustis chi sos babbos aiant avèrtidu sa giustìtzia pro s’iscumparta de su fìgiu. Su pitzocu fiat cun issos in s’arenile romanu de Maccarese. Sa boghe s’ispartzit, su pànicu faghet nàschere medas timorias e sa timoria si fùrriat a amargura. Unu terrinu chi Federica Sciarelli est abituada a apetigare e at dimustradu de s’ischire mòvere bene, ma cun s’ausìliu de un’iscuadra de autores e, mescamente, de telecàmeras e ispetadores sollitzitados e lestros a rispòndere a sos apellos tv. Ma a su sòlitu serbit semper tempus e meda passèntzia…

Imbetzes custa borta, gràtzias a sa capassidade  de sa giornalista, su pitzinneddu iscumpartu a inghìriu a sas 13, a sas 16 fiat giai tra sos bratzos de sos babbos. Sas chircas, comente  ispiegat Il Messaggero, «sunt mòvidas a pustis de una rechesta de agiudu a su  112, posca a s’unidade Sar de turnu e a s’iscuadra Mare Sicuro de sa Guardia Costera. Chircas a perdas pesadas, chi ant collaboradu fintzas vìgiles de su fogu cun elicòteru  e su batellu cun sommotzadores de Riva di Traiano.

Posca, a inghìriu a sas 16, sa bona noa: a l’agatare, calicunu chilòmetru prus giosso de su puntu de partèntzia, a Palidoro, est istada Federica Sciarelli eotu. Sa presentadora s’agataiat difatis in mare pro una die de pasu, ma at notadu su piseddu e at avèrtidu deretu sas autoridades, abarrende cun issu finas a s’arribu de sos babbos. Posca est arribadu s’annùntziu in su contu Twitter de sa trasmissione istòrica!

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Su deppidu mannu de ammendas de 6 miliones de euros, accuccurradu dae s’automobilista iscopertu in su mentres de unu controllu de sa polizia de sas vias in su Limburgo de mesudie, in Belgio, at postu medas interrogos e at attiradu s’attentzione de sas autoridades locales e natzionales.

Custu fattu istravanadu at fattu connoschere su bisonzu de un’appriccu pius rigorosu de sas lezes supra sa sicuresa de sas vias e de sas ammendas po sos chi affaltzant su codice de sas vias. Sa polizia de su Belgio, imparis cun su “Servitziu Pubbricu Federale de sas Finantzias” (SPF), at cunfirmadu sa tzifra manna meda de sas ammendas, bogande a fora interessiu e pensamentos mannos. Intames, mancari sa comunicatzione de sa summa, sunt abbarradas dimandas meda chentz una risposta.

S’identidade de s’automobilista e sos elementos de sas infrassiones chi ant fattu arrivare a custu deppidu mustruosu non sunt bistadas comunicadas, addescande sa curiosidade e sas ispeculatziones supra commente siat bistadu possibile arrivare a un summa gai manna.

S’auto de s’omine esta bistada secuestrada pustis de essere bistadu frimmadu po unu compudu, ma s’incapassidade sua de pagare tottu sa summa, at pesadu atteras dimandas supra sa situassione finantiaria sua e supra sas cunseguentzias legales chi at a teppere affruntare. Custu casu no est unu abbenimentu isoladu. Faghet parte de un’operassione pius manna de sa polizia de su Belgio, po garantire sa sicuresa de sas vias e cumbattare sas macchissias supra de sas vias.

In su mentres de custa operassione, ant incassadu 18.000 euros de ammendas e secuestradas medas autos ghiadas dae pessonas chentza permissu o chi aiant leadu droga. Custu evidentziat su bisonzu de unu controllu custante e de un’applicassione pretzisa de sas lezes supra sa ghia e sa sicuresa de sa via, po garantire sa protessione de tottu sos chi usant sas vias.

Sa comunidade, commo est giammada a meledare supra commente prevennere cosas commente custas in su tempus benidore, aumentande sos controllos e s’educassione de sas vias, e garantinde chi sas ammendas po sas infrassiones de sas vias istorrent abberu. Solu po mesu de s’impignu de tottus e una collaborassione de sas autoridades e sa comunidade, si podet isperare de tennere vias pius seguras e rispettu de sas regulas po tottus.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22