Sa Cada Die Teatro presentat sa noa editzione de su “Festival dei Tacchi” chi s’at a fàghere intre Ulassa e Jersu dae su 4 a su 9 austu 2023.

Su Fèstival de sos Tacos, chi s’at a acumprire in sos dèchidos e ispantosos  iscenàrios de sos Tacos de Ogliastra, intre sos comunos de Jersu e de Ulassa dae su 4 a su 9 austu, lompet a sa de bintibator editziones: 2 comunos interessados, 6 dies, 10 ispàtzios iscènicos, 19 ispetàculos, 2 laboratòrios, 1 letzione/addòbiu e un’atentzione particulare pro sos prus piticos. Custos sunt sos nùmeros de s’editzione noa de unu de sos eventos culturale prus isetados e famados de s’Ogiastra.

Custas sas paràulas de su diretore artìsticu Giancarlo Biffi: «At a èssere su respiru, s’alenu chi in manera cuotidiana partzit sos passos nostros chi nos at a acumpangiare a custa editzione noa de su Fèstival. “Faghe unu bellu respiru!” est custu chi benit cussigiadu a chie est in afannu. E chie prus de nois, umanos chi istant in custu corratzu de universu e chi nointames su fadiore chircant de andare a in antis, diat tènnere bisòngiu de fàghere unu bellu respiru e de torrare bentu. Est custu chi, intre sos iscenàrios magnìficos chi l’acollint, su Fèstival cheret donare a artistas, ispetadores e abitantes. Un’iscuta de respiru, unu momentu de cuncordia cun s’èssere pròpiu e cun su mundu ».

Sa manifestatzione si faghet in Ogiastra dae su 1999 a su 2023 in Ogliastra. Su Fèstival de sos Tacos, ses dies dedicadas a su teatru, naschet, creschet e madurat pròpiu in Ogliastra movende de Tortolì pro s’iscostiare in sa badde de su Pardu. Amparadu dae sos tacos possentes, sas formatziones pedrosas chi dòminant sos bidditzolos de Jersu, Ulassa, Osini e Gàiru, su fèstival in su tempus est devènnidu unu de sos prus betzos in Sardigna.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22