Est a disponimentu de totus a totu die, 24 oras subra 24, su defribrilladore postu chi est istadu donadu a sos tzitadinos de Cuartu dae una putecaria tzitadina.

Si tratat de unu gestu bellu meda cussu chi est istadu fatu dae sa potecaria Martinez de Cuartu Sant’Aleni chi diat dèpere èssere copiadu e imutadu peri dae àteras putecarias sardas. Difatis, cusu istrumentu sarvavida est istadu postu a disponimentu de totu sa tzitadinàntzia, in casu de apretu.

Su DAE s’agatat in sa potecatia Martinez, in sa zona de Pitzu de Serra, e sighit cussu chi est istadu postu duos annos a oe dae s’amministratzione de Cuartu gràtzias a sa donatzione fata dae su Centro Studi Petrarca a su Cunsòrtziu “Sa Via del Mare” e a sos cuartesesos. Si trattiate de su primu defibrilladore pùblicu a disponimentu de totu sos tzitadinos.

Su defibrilladore est un’aparatu eletromedicale chi cunsentit s’esecutzione de sa defibrillatzione elètrica, una protzedura mèdica pro su riprìstinu de su ritmu cardìacu normale in sos sugetos cun un’aritmia.

A bateria o collegabile a una presa de currente, unu defibrillatore genèricu tenet sa capatzidade de generare iscàrrigas elètricas e de las trasmìtere a un’indivìduu a traessu de piastras metàllicas. Esistent diversos tipos de defibrilladore: su defibrilladore manuale, su defibrilladore semiautomàticu, su defibrilladore automàticu e su defibrilladore cardìacu impiantabile. S’impreu de su defibrilladore assotziadu a sa rianimatzione cardiopolmonare est un’interventu mèdicu chi, si atuadu in su tempus giustu e in sa manera curreta, podet sarvare sas persones vìtimas de arrestu cardìacu.

“Amus detzìdidu de pònnere unu defibrillatore a s’esternu de sa potecaria a disponimentu de sos clientes e de sa comunidade, H24- ant naradu sos meres de sa farmatzia-  Diamus chèrrere chi totus in zona esserent informados de sa disponibilidade de su DAE e nos diat pràghere chi su gestu nostru responsabilizet sos abitantes de su bighinadu pro more chi s’aparèchiu siat rispetadu dae totus”.

A su collocamentu de su DAE at partetzipadu fintzas s’assessora Cinzia Carta chi at torradu gràtzias a sa potecaria de Cuartu pro su gestu.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22