Triei at detzisu de pigare parte a sa campagna de sensibilizatzione contra s’endometriosi. Sos amministradores difatis ant postu in sa pratzita de su Comunu una banchita groga. Si tratat de unu setzidòrgiu cun na targa cun su còdighe QR chi cunsentit cun s’iscansione de otènnere totu sas informatziones subra de una patologia galu pagu connotas, sende chi siat bastante difùndida e tèngiat a s’ispissu efetos graves.

“In su su mundu in prus de 190 milliones de persones chi nde sufrint. Su primu passu pro pòdere afrontare mègius custu istorbu est su de lu connòschere. Duncas, aderimus a custa campagna de sensibilizatzione cun s’isperu chi custu gestu piticu nostru potzat èssere ùtile a informare e a favorire sa preventzione”, ant naradu sos amministradores.

S’endometriosi una maladia crònica e progressiva, chi corfit fèminas in edade fèrtile e est caraterizada dae sa presèntzia e de su creschimentu de tessutu endometriale foras de sas tubas uterinas.

Sos sìntomos prus fitianos sunt  puntas pèlvicas crònicas, dolore cando si lutzat, sìntomos gastrointestinales, dolore in sos raportos sessuales, fadiore. Custos sìntomos rendent difìtzile sa diàgnosi sende chi sunt comunos fintzas in àteras patologias. S’endometriosi est una de sas càusas prus nòdidas de infertilidade. Nde cunsighit chi custa maladia podet tènnere cunseguèntzias malas subra de su benèssere psicofìsicu de sas fèminas chi nde sunt malàidas e in de sa calidade de sa vida issoro.

S’endometriosi est insertada intre sos LEA in s’elencu de sas patologias crònicas e invalidantes, cun reconnoschimentu a su deretu a s’esentzione de unas cantas prestatziones ispetzialìsticas.

S’endometriosi est una maladia difusa meda ma pagu connota, puru interessende belle su 10% (190 milliones) de sas fèminas e de sas pitzocas in edade riprodutiva a livellu globale. In Itàlia s’istimat chi nde siant malàidas in prus de 3 milliones de fèminas. Podet èssere càusa de sub-fertilidade o infertilidade in su 30-40% de sos casos.

“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22