Marco Russo, sìndigu de Savona, at iscritu a s’anàgrafe su fìgiu de duas fèminas. Est sa primu bia chi sutzedet in Ligùria a pustis de su firmu a sas trascritziones detzisu dae su guvernu.

Su pipiu est istadu cuntzepidu a Bartzellona cun sa fecundatzione assistida dae una de sas duas fèminas. In una lìtera su sìndigu at ispiegadu su motivu sa sèberu suo a su prefetu Enrico Gullotti e a su procuradore capu Ubaldo Pelosi, acrarende de àere firmadu s’atusena interessare sos funtzionàrios.

“Su Sìndigu tenet ite fàghere cun sas persones ogna die, est unu raportu cara a cara, e depet iscurtare sos bisòngios, sas pregontas, sas isperas, sas timorias issoro. Devimus parare fronte a sos vìnculos e sas fartas de sas normas vigentes, faghende rispetare fintzas pro sos deretos tziviles”.

 “Sas duas fèminas sunt cojadas cun s’unione tzivile. S’ordinamentu nostru reconnoschet sas uniones tziviles -at iscritu ancora su primu tzitadinu de Savona-.  Comente Ufitziale de Istadu tzivile, devo aplicare sa lege. Si tratat duncas de averguare si in s’ordinamentu nostru bi siant sos tretos pro dare una risposta a sa pregonta chi m’est istada fata, in modu adeguadu a sos tempos e cunforma a sos printzìpios ispiradores de su sistema giurìdicu nostru. Si su pipiu esseret naschidu a s’èsteru, non bi diat èssere istadu perunu impedimentu a sa trascritzione de s’atu de nàschida formadu a s’èsteru, comente  fìgiu de duas fèminas. In custu cuntestu benit afirmadu su printzìpiu de amparu de su deretu de su minore, a sa bigenitorialidade e a sa vida familiare e a no èssere discriminadu ”.

Marco Russo in sa lìtera at iscritu chi Sa Corte de Cassatzione s’est espressada medas bias in modu contràriu a sa registratzione de sa genitorialidade de duas fèminas. Imbetzes, sa giurisprudèntzia de mèritu at retentu de reconnòschere sa possibilidade de registrare sa nàschida. Custu atu cheret fàghere lòmpere a su Legislatore una boghe dae banda de sa gente”.

“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22