Su trucadore casteddaju faghet dae consulente a medas artistas famados e est essidu in maicantas rivistas e giornales de moda.

Chiara Ferragni, seberada dae Amaseus comente co-presentadora in sa prima puntada e in sa de chimbe puntadas de su fèstival de Sanremo, s’est afidada a su casteddaju Manuele Mameli su giòvanu trucadore sardu chi in custos annos s’est fatu connòschere meda in su mundu de s’ispetàculu e de sa moda.

Un’orgòlliu manna meda pro Mameli, chi a pustis de àere traballadu medas annos comente  consulente de imàgine est resèssidu a fòghere carriera in su mundu de sa moda comente trucadore.

Importante meda s’amigàntzia cun Chiara Ferragni. Difatis Mameli collàborat peri cun àteras tzelebridades, ma  traballat mescamente cun issa. In sos giornales de lecutos sunt essidos in custos annos peri unas cantas boghes de una briga cun s’influentzadora, ma in onnia custos pìscinos sunt istados ismintzidos dae Ferragni etotu chi s’annu coladu in su profilu suo Instagram at publicadu unas cantas Story.

Chiara Ferragni est s’influentzadora prus pagada in Itàlia, imprendidora digitale, testimòngia de su màrchiu suo ma intzas de àteros. At istudiadu a s’universidade de Harvard. At detzìdidu de donare  in benefitzèntzia sa paga sua pro sa partetzipatzione a da de 73 editziones de su Fèstival de  Sanremo 2023.

Su patrimòniu cosa sua diat èssere de 40 milliones de èuros e segundu Hopper HQ, situ famadu de anàlisi e coòmpudu de sas retes sotziales, Ferragni diat èssere a su de 72 postos de sa classìfica de sos “influencer” prus pagados a su mundu, ma si abarramus in Itàlia Chiara s’agatat a su primu postu.

Una satisfatzione manna pro Manuele traballare cun issa. Mameli amat chircare produtos noos, testare sas ùrtimas tendèntzias e creare istiles noos e originales.  Sunt medas sas collaboratziones suas cun medas sotziedades de cosmèticos e de moda comente Clinique, Clarins, Dermalogica, Douglas, Lancome, MAC, Sephora e Valentino beauty. Manuele in su 2021 at partetzipadu a su programa Rai Missione Beauty in su ruolu de giùighe dimustrende sa matessi prontesa chi ogni die comùnicat in Instagram cun sos sighidores suos.

“Attività realizzata col contributo della Regione Sardegna – IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22