Andamus a connòschere sa famada Gruta de Janas e sas intzisiones suas leghende su chi nos narat sa descritzione leada dae su giassu ìnteret de bauneiturismu.eu. Su nùmene de custa pitica gruta cuada in su costone a sos pees de “Montargia”, su bastione calcàreu chi dòminat s’ala arta de su tzentru abitadu de Baunei (su bigonadu mutidu “Bidda ’e Susu”, ) est uguale medas àteros tuvos de s’Ìsula chi sa traditzione populare at semper contadu cun mistèriu. Difatis, gasi comente  sa “Gruta de Janas”, a su matessi modu sas necròpolis prenuraghesas istuvidas in sa roca, presentes in totu sas zonas de sa Sardigna,  benint mutidas “Domus de Janas” (“domos de sas fadas, de sas maiàrgias”). Oe pro sos archeòlogos s’arcanu de sa funtzione de sas “Domus de Janas” est istadu iscoviadu, mancari abarrant misteriosos unos cantos aspetos de sos rituales funeràrios e de sa religiosidade prenuraghesa.

“Gruta de Janas” est aberta a su pùblicu (est istadu creadu un’àndala de atzessu, a sa base de su muru de “Montàrgia”) e mèritat de èssere insertada in una ghia istòricu-turìstica pro su particulare pamentu suo istalagmìticu, decoradu cun unu disinnu articuladu malu a interpretare. Si tratat de una rafiguratzione costituida dae unu totale de 18 canaleddas pagu profundas chi s’ispàinant dae una conca printzipale profunda unos cantos tzentìmetros, e si unint a vàrias copellas terminales dispostas sena perunu critèriu aparente.

Pròpiu pro sas caraterìsticas peculiares de su motivu iscavadu in su pamentu, sa gruta est istada ogetu in su 2005 de una campagna de iscavos archeològicos de sa diretzione de s’archeòloga Maria Ausilia Fadda. In ocasione de custu interventu sa zona est istada acresurada e in su cantzellu de intrada a su giassu sunt istados postos unos cantos cartellos esplicativos chi ispiegant sas caraterìsticas prus importantes de “Gruta de Janas”.

Sos testos, firmados dae sa Fadda ispiegant chi “sa gruta si ponet a notu pro sa presèntzia de una rafiguratzione articulada meda chi torrat a su Neolìticu finale (4000-3200 a.C.) impreada fortzis pro ritos propitziatòrios acapiados a sa fertilidade”. Intzisiones sìmiles sunt istadas iscobertas e istudiadas fintzas in Piemonte e Ligùria, analogias chi segundu  Fadda “diant pòdere cunfirmare galu de prus sos ligàmines fortes de s’àrea continentale cun sa Sardigna, chi esportaiat s’ossidiana dae sos giatzimentos de su Monte Arci finas in su sud de sa Frantza. Custos cuntatos de caràtere cummertziale ant influentzadu  meda sa produtzione de manufatos tzeràmicos, comente sos vasos a buca cuadrada, sìmiles meda a sos de produtzione lìgure, e sos vasos cun superfìtzies traballadas a istralùtzidu, comente a sos de su Midi frantzesu”.

“Progetu finantziadu cun s’Avisu Pùblicu IMPRENTAS annualidade 2021-2022

In Sardigna, su binu no est solu unu prodottu de sa terra, ma una issida culturale bera e propria. Sas bides nadias comente Cannonau, Vermentino,Bovale,Carignano,Nuragus, Malvasia e Vernaccia sunt una biodiversidade unica in su Mediterraneu e affundant sas raighinas insoro in seculos de istoria, connottu de sos massajos e cambios de negossiu.

In su coro de sa Gaddura, in Berchidda, custa presura funguda intre s’isula e sa coltura de su binu acciappat una sintesi perfetta in su Museu de su Binu, un’istitussione chi si proponnet, no solu de costoire sa memoria de su binu sardu, ma puru de nde contare sa cumplessidade po mesu de unu caminu chi affundat, educativu e iscientificu. Pius che un’esposissione frimma, su museu est una Tzittade de su Binu bera e propria, ingendrada comente unu logu bivu in su cale sa cultura materiale si intritzat cun sa contassia istorica e de sos sensos.

Su percursu museale s’innoigat intre enologia e etnografia, apparande a sos bisitadores un’esperientzia padria chi partit dae su tribagliare sa terra e s’isfroscat in tottu sos momentos de sa produssione de su binu, fintzas a sa bendida e a su cossumu. Sos ambientes, torrados a faghere cun pretzisione manna e arricchidos dae oggettos de su passadu, torrant una bista bera de sa vida de sa campagna sarda, permittinde de cumprendere su rolu sotziale e accolomicu de su binu in sas comunidades locales.

Una de sas setziones pius accisantes est “Thyrsos”, dedicada a sas naschidas antigas de sa coltura de sa bide  sarda: broccas po su binu, oggettos archeologicos e attransadas multimediales testimonzant comente su binu de s’isula esseret esportadu giai in su tempus de sos nuraghes e de sos punicos, arribande a sos purtos printzipales de su Mediterraneu. Un’eredidade importante, chi contat de una Sardigna insertada de su tottu in sas retzas de su commerciu antigu e chi giai cumprendiat su balore de sa propria iscrocca.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22