A pustis de àere conchistadu s’Andalusia (Ispagna) si fiant istabilidos in s’Àfrica Setentrionale, acanta teniant su regnu issoro. Fintzas sos Vàndalos aiant cunsideradu sa Sardigna comente un’ìsola istratègica pro sas rotas cummertziales intre s’Àfrica e sa riva nord de su Mediterràneu.

Sa prima ocupatzione Vàndala de sa sArdigna est istada in  su 456 d.C.  Sa Sardigna costera fiat devènnidu unu possessu issoro. Is Romanos aiant torradu a conchistare s’ìsula in su 466 d.C. ebbia.  In su 530 però sa Sardigna fiat istada torrada a conchistare dae sos Vàndalos. Su re vàndalu Gelimero aiat seberadu comente  guvernadore unu funtzionàriu chi si naraiat Goda.

Cada anu Goda pagaiat a su re Vàndalu unu tributu.  Cando però su pòpulu sardu si fiat infadadu de pagare,Goda si fiat postu dae sa parte issoro, contra sos matessi vòndalos, proclamendesi in su 533 re de Sardigna e ponendesi a su cumandu de un’abbolotu contra a su re Gelimero.

Sa Sardigna duncas si furriat a Rennu Indipendente. Goda aiat comintzadu a coniare moneda, una de sas cales est istada agatada in Sardigna e portat su bustu suo e sa cara de su Sardus Pater, Comente iscriet  s’istòricu Francesco Cesare Casula “in Sardigna si fiat formadu sa prima borta un’istatualidade, mancari limitada a sos territòrios compidados dae sos Vàndalos e  pro pagos pagos meses”.

S’imperadore romanu Giustinianu aiat mandadu s’esèrtzitu cosa sua pro difèndere a  Goset, cun s’idea de torrare a pònnere sa Sardigna suta de su domìniu bizantinu e de torrare a conchistare is possedimentos africanos controllados dae is Vàndalos.

Goda fiat rutu mortu in batalla a presu de Calaris pagu prima chi lomperent a Sardigna is agiudos bizantinos, chi in s’ora aiat bìnchidu is vàndalos a presu de Cartàgine, causende sa derrota e da decadèntzia issoro.  Sa Sardigna duncas intrat suta su controllu de Bisàntziu.

“Progetto finanziato con l’Avviso Pubblico IMPRENTAS annualità 2021-2022”.

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22