Su mundu animale e vegetale de sa Sardigna est dèchidu a betu: cherbos mesches raras de pugiones e unu grustu de caddos agrestes chi bivent iscapos, sos ùrtimos in Europa. Inoghe sos animales bivent in mesu de una vegetatzione nuscosa e rica de frores colorados. Custa prenda naturale est custoida in sos parcos natzionales e in sas zonas amparadas.

Sa positzione isolada de sa Sardigna at influentzadu meda s’esistèntzia naturale de animales e matas. Sa natura dòminat su paesàgiu e non s’òmine. Mancu su  turismu de sos ùrtimos annos at tocadu custu echilìbriu. Gràtzias a una mègius informatzione e a sa consièntzia raighinada de sos sardos de chèrrere bìvere in sintonia cun sa natura, s’est isvilupadu unu raportu particulare cun s’ambiente: un’esèmpiu sena pretzedentes in su Mediterràneu.

In Sardigna sunt istadas istituidas diversas àreas amparadas pro cunservare e tutelare  habitat naturales e ùnicos – intre custos podimus remonare su parcu natzionale de su Gennargentu. In sos padentes de ortigos, longhifresos, àlinos, tzinnèberos bivent sirbones, gatos agrestes, su cherbu sardu, astores e àbbilas beras, mugrones, gurturjos mòngiu e gurturjos de sos angiones. Sas alturas sunt sa terra de sos caddos agrestes chi bivent galu  in s’istadu a passiu una de sas ùrtimas realidades in Europa.

Subra de sa costa ant agatadu s’habitat ideale issoro medas mesches dèchidas de pugiones: in sos medas istagnos agatamus pro esempru sos mangones  cun su pinninnia issoro colore rosa e chi inoghe in Sardigna sunt mutidos sa gente arrubia.

Su modu mègius pro connòschere s’universu sutamarinu de sa Sardigna est su de l’iscobèrrere in sas àreas marinas amparadas: in totu s’arcipelagu de sa Maddalena in su nord e a Capo Carbonara in su sud cun unu pagu de fortuna faghent a abbistare sos delfinos – ma a bias est fintzas possìbile bìere sas raras focas mòngias chi arriscant de s’estìnguere.

In totus sos logos acanta ais a andare a Sardigna ais a èssere acumpangiados dae su nuscu aromàticu de sa magra. Paris cun su colore nòdidu birde suo in beranu s’ìsula si coberit de unu mantu coloradu prenu de frores. A s’ispissu sa magra s’estendet finas a sa marina e cun sas chessas, sos àrbores de laru, sos liones, sas martzigusas, sos modditzis bos at a fàghere bìvere cudda atmosfera màgica de su sud. Durante sos meses istiales aromàticu meda est fintzas su nuscu de sas erbas  mediterràneas comente a: s’erba levandina, s’armidda, sa murta e su romasinu. In sos montes bi sunt padentes de èlighe e de orròale, e in mesu costa sos suèrgios. In sas regiones costeras sos pinos marìtimos e sos pinos de Alepu chi a bias s’estendent finas a sas marinas.

“Progetto finanziato con l’Avviso Pubblico IMPRENTAS annualità 2021-2022″

In arrivu dae sa secunda edissione de s’Oscar de sas Regiones , unu abbenimentu istravanadu chi at a tennere in su coro chi toccheddat de Roma, intro de sos conas istudios de Cinecittà: Custa proa, naschida cun s’intentu de dare gabbale e visibilidade a sas tradissiones e produssiones regionales de eccellentzia, si arviat commente un’occasione unica po tzelebrare sa ricchesa e diversidade de sas terras nostras italianas..

Sa Sardigna, cun sa cultura sua de mizza annos e sas tradissiones chi , accisant, at essere interprete chentza discussione de custu istravanadu abbenimentu. Feminas e omines bestidos cun sos ispantosos costumenes de sa tradissione, ant essere prontos a bogare a campu una variedade manna de ispettaculos chi ant andare a daenanti in sas duas dies de festa.

Unu donu chi drinnit a una tradissione chi affundat sas raighinas in su passadu e chi sighit a brillare cun sa lughe sua in su presente. In mesu de sos ispettaculos pius ispettados bi ant essere sas Mascheras, custodes autentigos de una tradissione longa casi 3.000 annos. Custas figuras prenas de misteru anti isfilare cun destresa in sa Cinecittà Street, accumpanzadas dae sos sonos galanosos de sos marratzos.

In mesu de issas, s’Orku, una maschera cun su corpu de omine e sa conca de animale, imboligada in d’una pedde niedda de animale, cun corros longos supra de sa conca e carrigas de marratzos, chi at essere sa reina assoluda de
s’isfilada. Accanta a issa, sos Mustayonis, bragosos portadores de sa tradissione, cun sas pertigas de ozzastru e sas cannas, bestidos cun beistires betzos e muccadores nieddos in conca, chi ant affadare su pubbricu cun sas istravanadas movidas insoro.

Ma s’Oscar de sas Regiones non si at a firmare solu a s’ispettaculu chi si podet biere: sos visitadores ant a tennere s’occasione de si affundare in sa cultura sarda po mesu de unu beru percursu de su gustu. In sas carrelas de Cinecittà World, ant essere presentadas operas de magistros fattas in suerzu, podottos de mandigare e ispecialidades de sa Sardigna, commente sebadas e porcheddos coghinados in sa brasia. E po accumpanzare custa esperientzia unica de sos sensos, no ant a mancare sas birras de sos magistros de sa regione, chi ant a delissiare sa ucca de tottu sos presentes.

Ma s’Oscar de sas Regiones non tiada essere cumpridu chentza sa musica chi at accumpanzare sos ispettaculos. In su mentres de sas duas dies, su pubbricu at a podere godire de musica dae su bivu, antiga e de sa tradissione sarda, po arrivare a sas interpretassiones de sas cantones pius famadas commente cussas de sos Tazenda e de Piero Marras. E po unu toccu de maghia in pius, no at a mancare s’ispettaculu chi che ogat s’alenu de Feuer Frei, una truppa de artistas chi ant a ballare sighinde sa musica imboligada dae su fogu e su laser, donande un’ispettaculu chi non si at a podere ismentigare e chi at a dassare tottus chentza alenu.

S’Oscar de sas Regiones, duncas, at a donare duas dies de ispantu e emotziones, un’occasione istravanada po si affundare in sa bellesa e sa diversidade de sas tradissiones italianas e bivere un’esperientzia chi non
si at a podere ismentigare e chi at addurare imprentada in sos coros de tottu sos chi ant a partetzipare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22