Unu digestivu tìpicu de sa Còrsica, ma fintzas de sa Sardigna, est sa murta artesanale. S’agatat praticamente in totue, dae sos supermercados a sas butegas de regordos. Si tratat de unu licore bastante lèbiu (subra de sos 24-25 grados), e est otentu dae s’ammodigadura alcòlica de su frutu de sa murta.

Imbetzes sa birra corsicana prus famasa est sa Pietra, tìpica pro s’aroma suo a su sabore de castàngia. S’agatat fintzas in Itàlia, e in s’ìsula est difùndida praticamente in totu sos locales. Ma non est s’ùnica:  àteras birras dignas de remonu e bastante bons sunt sa Colomba (bianca) e sa Serena, una biunda bastante lèbia.

Pro cantu pertocat sos binos, si produet unu binu nieddu forte, chi bene s’adatat cun sas ispetzializades de su logu. Pro chieest prus rafinadu sos binos prus apretziados sunt sos de Patrimonio e de Calvi, ma sunt bene oto sas  A.O.C., chi currispondent a su Doc nostru.

In prus b’at fintzas sa Còrsica Cola. Podet pàrrere un’imbentu pro turistas, ma est prusaprestu difùndida in sos locales e in sos supermerdados. Custa cola non paret chèrrere imitare su produtu americanu: tenet unu gustu prus agreste, de erbas. Frisca, podet èssere un’idea pro una serada tra amigos chi non bufant alcòlicos.

E benimus a sos casos: su brocciu est unu casu friscu de late de berbeghe (o de cabra) e est su sìmbulu culinàriu de s’ìsula. No est diferente meda de su recotu, e s’agatat istasionadu finas a diversos meses. Lu betant meda in vàrias genias de pasta cun su reprenu. Sos raviolos de forma tunda e sos cannellonos sunt aromatizados cun sa menta e cundidos cun sa bagna de petza. Fintzas sos durches connoschent su brocciu, comente  su fiadone, una turta de non pèrdere a base de custu casu.

Semper alleghende de casu,  una calidade bastante fàtzile de agatare est sa forma de berbeghe. A su sòlitu la bendent in formas de chilu o a metade. Sa crosta est groga, a bias unu pagu allandada, s’aroma e su sabore sunt fortes meda. In sos ristorantes benit serbidu in tageri abbinadu a sa marmellada de figu, o de figu e nughe (una àtera ispetzialidade de s’ìsula).

“Progetto finanziato con l’Avviso Pubblico IMPRENTAS annualità 2021-2022”

Un’alliantza chentza dinnantis de sas “Feminas de s’Ozzu” e sas “Cittades de s’Ozzu”, est po naschere, uninde sas fortzas po poderare sa cultura de s’ozzu e po affortigare unu sistema de cossumu sciente de sa produssione de s’oro birde, chi disegnat iscolas de vida e bistas.

Su 20 de Aprile, in Ilbono, in Ozzastra, bi at essere unu abbenimentu istoricu: sa frimma de su primu accordu chi faghet partire un’assitentzia chi serbit po s’isviluppu de un’offerta turistica ligada a sas tradissiones de sa coghina e sas estremadias de sas produssiones de s’ozzu de sa regione.

Sa tzerimonia, chi at a biere sa presentzia de sa Presidente nazionale de s’assotziatzione Feminas de s’Ozzu, at essere unu momentu importante meda po su campu. Custu accordu non solu punnat a faghere connoschere s’ozzu extravergine de olia commente prodottu de arta calidade, ma puru a agguantare sa tutela de s’ambiente e de sas bistas, s’isviluppu chi si podet bajulare e su turismu locale, mescamente in sas zuras de s’internu.

S’intentu printzipale de s’accordu, est cussu de creare assitentzias de comunicassione de sos comunes, dittas de produssione e trasformassione, po arribare a creare unu modellu de “turismu de s’ozzu”, chi si potat repricare a livellu natzionale e de tottu su mundu. Ant essere accreschidos sos abbenimentos po balorizare sas iscroccas de
naschida de s’ozzu extravergine de olia italianu, po mesu de cunferentzias,cursos e disignos de sa comunidade europea.

S’assotziatzione Nazionale Tzittade de s’Ozzu, chi tenet casi 500 comunes e paritzas partetzipaziones de sas amministratziones pubbricas in mesu de issos, e s’Assotziatzione Nazionale Feminas de s’Ozzu APS, cun pius de
70 sotzios, sunt unu patrimoniu de sa cultura e de sa coghina chi tenent unu balore chi non si podet calculare. Sa frimma de custu accordu est unu passu importante meda po dare balore e agguantare s’ozzu extravergine de olia e de sas virtudes suas chi faghent bene a sa salude.

Su disignu de sa zorronada de su 20 de Aprile, prenettat, in pius de sa frimma de s’accordu, unu addobiu supra s’istoria de s’ozzu de sa Sardigna. At essere un’occasione po discutire de su passadu, de su presente e de su tempus benidore de s’ozzu extravergine de olia e po presentare sos disignos natzionales e regionales de sas duas
Assotziatziones.Unu momentu de cunfruntu e de cundivisione de esperientzia e connoschentzia de sos chi tribagliant in cussu campu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22