Pro sa Die mundiale de sa Biodiversidade, chi s’at a festare cras, s’Assòtziu Allevadores de sa Regione Sardigna ammentat chi s’Ìsula nostra est una terra prena de biodiversidades zootècnicas,  podet bantare su bellu de ratzas autòctonas de sas cales tres bovinas (Sarda, Bruno-Sarda, Sarda-Modicana), duas ovinas (Sarda e Niedda de Àrbus), duos caprinas (Sarda e Sarda primitiva), una suina (Sarda), duas ecuinas (Giara e Sarcidano) e duas aininas (Sardu e Asinara).

“Si tratat de una sienda manna chi però tenet bisòngiu de una tutela contina ma fintzas valorizatzione de sas produtziones”, ispiegat s’assòtziu chi cun is tècnicos suos assistit sas aziendas chi allevant sas bio-diversidades zootècnicas isolanas durante s’acumprimentu de sos controllos funtzionales pro compidare s’istadu de sos allevamentos e de sos animales.

Segundu sos datos de s’Aars, sa cunsistèntzia mèdia in Sardigna de su bovinu de ratza Sarda est uguale a 25.993 paros, pro su bovinu ratza Bruno Sardu uguale a 34.073 pegos e pro su bovinu ratza Sardu Modicano cun 2.253 pegos. Pro su chi pertocat sos paros ovinos, sos de ratza Sarda sunt 2.500.000, sos de ratza Niedda de Àrbus  sunt 9.316, mentras pro sas cabras de ratza Sarda sunt 13.299 e sas de ratza Sarda primitiva 7.954. Sos porcos de ratza Sarda sunt 390, sos cadditos de sa Giara sunt 542, mentras su Caddu de su Sarcidano est presente cun 102 paros. In fines sunt 380 sos àinos de s’Asinara e 2.980 sos pegos de Àinu Sardu. Luciano Useli Bacchitta, presidente AARSardegna, ammentat chi “su sistema allevadores at ativadu duas importantes initziativas, est a nàrrere su progetu LEO incarreradu in su 2018 e chi protzedit cara a sa realizatzione de una prataforma digitale pro sa zootecnia italiana chi si podet definire s’ùnica in su gènere suo e isvilupada gràtzias a sa faina de AIA, paris a collaboradores de cabale  comente  Universidades, Istitutos Zooprofilàticos e àteros Entes de chirca, suta de sa supervisione de su ministeru de sas Polìticas agrìculas, alimentares e forestales, in calidade de Autoridade de gestione.

S’àteru progetu cuntzepidu totu pro preservare sa biodiversidade de sos animales nostros de interessu zootècnicu e de s’ambiente acanta bivent – agiunghet – est istadu mutidu Allevamento Custode”.

“Progetto finanziato con l’Avviso Pubblico IMPRENTAS annualità 2021-2022”

Chie fiat su poeta sardu Tigellio? A sangunadu si naraiat Ermogene, e fiat bìvidu in su primu sèculu a in antis de Cristos. Sos istudiosos pensant chi Ermogene esseret su sambenadu e Tigellio su nùmene.

S’acrobamentu de unu nùmene romanu e unu sambenadu gregu faghent pessare chi su poeta in berteru esseret unu libertu, duncas un’iscrau chi fiat resessidu a otènnere sa libertade.

Difatis fiant medas sos cantores de orìgine grega, un’arte chi sos romanos non praticaiant meda, ma chi fiat istimada meda dae sos ellenicos. A ogna contu Tigellio, in prus de èssere unu poeta fiat fintzas amigu de Giùliu Tzèsare e pròpiu pro custu motivu est divènnidu famadu e connotu. Ma sa cosa aiat iscasidadu s’imbìdia de sos collegas suos, chi fiant gelosos de custa amigàntzia. Ischimus chi Tigellio fiat sardu, unu rafinadu cantadore e un’amigu ìntimu de Giùliu Tzèsare, gràtzias a sos iscritto de Tzitzerone de de Oràtziu. Pròpiu Tzitzerone, in sas lìteras suas a sos amigos, lu mutit hominem pestilentiorem patria sua (un’òmine prus dannàrgiu de sa  pàtria sua), mentras Oràtziu  nos dat informatziones subra de sa morte sua, acontèssida intre su 40 e su 39 a.C..

Oràtziu, imbetzes, a unos cantos anno dae sa morte de su poeta sardu, in sa Satira III de su matessi libru, torrat a faeddare de Tigellio, narende chi fiat unu cantore istrambecu e  macu: a bias si poniat a cantare sena chi nemos si l’aeret pedidu e cun su matessi puntìlliu si refudaiat de cantare cando si ddu pediant. Li preghiate a bìvere in su lussu e abitaiat cun prostitutas, iente iscadentes. Sa cosa chi però sos collegas suos non bajulaiant fiat s’amigàntzia cun s’imperadore.

In su 1865 Pietro Martini aiat publicadu unas cantas pergamenas e còdighes antigos a tìtulu “Vita de Tigellio” fortzis de s’autore Sertorio (òpera resurtada posca èssere farsa sende chi faghiant parte de sas malifamadas Cartas de Arborea). A pustis de sa publicatzione Giovanni Spano aiat printzipiadu una campagna de iscavu in Casteddu, a presu de Stampaxi, pagu a tesu de s’Anfiteatru romanu, acanta fiant istados agatados sos restos de una residèntzia de su I sec. a.C. de sa tzitade antiga de Karalis. S’archeòlogu aiat cramadu in modu isballiadu custu cumplessu residentziale cun su nùmene de “villa de Tigellio”.

 “Progetu finantziadu cun s’Avisu Pùblicu IMPRENTAS annualidade 2021-2022”