Corfit sa richesa de mesches tropicales e subtropicales chi cun fatzilidade si sunt aclimatadas e chi oramai ant crèschidu gosi meda dae lòmpere a una mannària manna meda a beru, comente sa Nolina longifolia,

In sas diversas bartzas in prus, s’agatant sas numerosas ninfeas, su lìgiu de abba, sos frores lughentes de Nelumbium o sos tzufos de sos papiros e de àteras Cyparea e Typharea.

Subra totu sa superfìtzie de s’Ortu Botànicu s’agatant numerosas testimonias de època romana interessantesmeda, bi sunt presentes unu sistema de tzisternas, una bartza a forma de trivùgiu, unu Calidarium (gruta Gennari) e unu Libarium, in ue s’abbaiant sos antigos atores romanos chi resaiant in su teatru pagu a presu de in cue.

Pro torrare a sa mata de s’Eufòrbia de sas Canàrias, ‘esemplare, ampru prus de 100 metros cuadros, est in sa parte arta de su giardinu, imbatoradu a su muru chi partzit s’ortu dae s’Anfiteatru Romanu.

S’Eufòrbia de sas Canàrias est una mata manna cun cun truncos a culunna artos finas a 3-4 metros, a setzione cuadrangulare, diramados, cun costanas subra de cale creschent de sas ispinas curtzas auntzinadas.

Su frore s’aberit a budrones in sa parte arta de su fundu, cun venaduras de colore ruju, chi formant unu nitzu a copa a fùrriu a unu frore feminile tzentrale, inghiriadu dae 5 frores maschiles.

 “Progetto finanziato con l’Avviso Pubblico IMPRENTAS annualità 2021-2022”

Unu babbu in Siliqua, at fattu un’attu istravanadu, seperande de perdonare su fizu de bindighi annos in daenanti de tottus, chi lu aiat abbulteddadu a su tzrugu in d’una briga intro de sa macchina. S’accadessimentu tragicu est capitadu po unu momentu de tesone in famiglia, chi est finidu cun d’una reatzione fogosa de su zovanu, ma cussu chi at fartadu de pius est bistada sa reatzione de su babbu.

Cun d’unu post supra de Facebook, s’omine at cherfidu cundividere non solu su dolore fisicu e s’emossione po s’affraccada, ma mescamente su sentimentu de amargura profunda po s’assentzia de su fizu, espressande cun paraulas chi toccant su coro s’attibbitzione sua e su disizzu de appaghiamentu.

“Mi faghet pius male chi tu non che sias de cussu chi mi as fattu”, at iscrittu su babbu, cun d’unu limbazzu simple ma prenu de emossione. Su riferimentu a s’assentzia de su fizu reflettet unu dolore pius fungudu cunfrontadu a sa ferida fisica: sa distantzia e su de aere isfassadu sue de essere in bonas cun su fizu. Luego pustis de s’affraccada, s’omine che lu aiant leadu in presse meda a s’ispidale, inube aiat deppidu essere operadu po sa ferida a su tzrugu. Bell’e gai, mancari s’arriscu e sa sufferentzia fisica, su babbu at seperadu de no si cuncentrare supra sa violentzia, ma pius supra de s’amore.

In sa dichiara sua, prena de affettu e perdonu, s’omine at fintzas cherfidu evidentziare chi, cale si siat cosa esseret accadessida, issu tiat essere adduradu accanta a su fizu. “Bellecchì tottu su chi est sutzessu, appo essere semper cun tegus”, at promittidu, in d’unu sinzale craru de dedissione dae parte de unu babbu e de amore chentza limides. Su perdonu offertu no est solu un’attu de attibbitzione, ma unu imbidu a tappulare unu ligonzu segadu, a torrare a tennere una relata chi, mancari s’attu drammatigu, s’omine creet potat essere recuberada. In su nuntzu pubbricu, su babbu faghet cumprendere de disizzare abberu de binchere su chi est sutzessu e de podere torrare a abbratzare su fizu.

“As a biere chi ammos torrare a nos addobbiare”, iscriet, cun d’una promissa chi andat addia su perdonu de su momentu, indittande unu tempus benidore in su cale babbu e fizu si potant appaghiare e sanare imparis dae sas feridas, non solu fisicas ma fintzas de s’emossione. Custu nuntzu est prenu de una voluntade forte meda de torrare a fraigare e de non si dassare distruere dae su dolore.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22