Sa Ratantira, pensada e ripristinada in su 1946 gràtzias a su cavalleri Giovanni Loddo, a sos frades De Salvi, Tonino D’Angelo e Pinuccio Schirra de sa Gioc (assòtziu istòricu stampaxinu chi oe non nch’est prus) at rapresentadu pro sos casteddajos unu beru momentu de unione, cooperatzione e traditzione. Sas mascaras clàssicas comente sa Dida, subra de Macu, subra de Tiàulu, sa viuda, sa Gatu, da Panetera, su Palliatzu, s’Arregateri, su moru, su piscadori, su dotori, su sabateri e su piciocu de crobi in sos annos ’80 benint acumpangiadas dae àteras prus atuales chi, a pagu a pagu, devenint fintzas issas traditzionales comente Carmen Miranda e sas ballerinas brasilianas impersonadas dae òmines a mustatzos, chi istorchent sas ballerinas de samba de su Carnevale de Rio. E in cussos annos, a sonu se Ratantira sunt istados acumpangiados sas famadas cantzoneddas “cambara cambara cambara e macioni, pisciurrè, sparedda e mummungioni”, e “Donamì una tzica, dona•mi•ndi un’atra, custa non mi bastat arren..gen..gen”, colunnas sonoras indimenticàbiles chi emotzionant galu oe cada casteddaju ischietu.

Sa figura printzipale de su carrasegare est però Canciofali, unu re mustajone, chi benit passadu fatu de sos caminos e posca brusiadu in unu fogarone in sa die de martis lardajolu, marchende sa fine de su carrasegare e su cumintzu de sa Carèsima.

A s’agabbu de sa Segunda gherra mundiale sa tzitade de Casteddu si fiat galu dannificada dae sos bombardamentos de sos Alleados de su 1943. A pustis de sa gherra sa tzitadinàntzia teniat bisòngiu de s’isvagare. Sa Sotziedade de Sant’Anna, corporatzione e assòtziu culturale nàschidu in su 1782 intre sos bighinados de Casteddu e Stampaxi, si fiat pigadu càrrigu de torrare a organizare su Carnevale Casteddaju. S’organizatzione aiat postu a pare su tzìrculu Tognolo e cussu de sa Gioventude Italiana Operaja Catòlica, connota peri cun s’acrònimu de GIOC. Custu assòtziu catòlicu teniat su furriadòrgiu suo in sa crèsia de Santa Restituta, semper in Stampaxi, gràtzias a su missegnore Ernesto Maria Piovella chi su 10 de santugaine 1945 aiat cuntzèdidu in manera provisòria sos locales de sa crèsia pro abèrrere unu tzìrculu de recreu. Sas fainas suas fiant cumentzadas su 9 de nadale de su matessi annu, in isetu de noos ispàtzios.

In su 1946 fiat istadu organizadu su primu carrasegare. A printzìpiu passaiant petzi das mascaras tìpicas, ma a pustis, in sas editziones prus ricas de sos annos setanta e otanta, si fiant agiuntos carros allegòricos de paperi. A pagu a pagu a s’organizatzione aiant leadu parte peri àteros grupos istòricos comente su Dopolavoro Ferruviàriu, sa GRUC de Castello, e su Bidditzolu Piscadores de Giorgino.

In sos annos Duamìgia su Carrasegare non benit prus festadu che a prima, ma in su 2008 sa Cùria casteddaja aiat detzìdidu de nde bogare sa GIOC dae sa crèsia de Santa Restituta. Dae tando petzi àteros assòtzios aiant chircadu de sighire sa traditzione de su carrasegare, cun initziativas dedicadas mescamente a sos pipios.

Ma dae unos cantos annos a oe sas maschera sunt torradas in tzitade, firmendesi petzi duranre su Covid. Dae su 2017 unu grupu nou de organizadores, s’assòtziu Sa Ratantira Casteddaia, at ripristinadu su Carrasegare Casteddaju torrende a pònnere sas màscheras e sos carotes de su connotu.

 “Progetto finanziato con l’Avviso Pubblico IMPRENTAS annualità 2021-2022”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22