Casteddu at aderidu a sa protesta, istabilida dae s’Anci, s’assòtziu natzionale de sos comunos italianos, contra su caru bulletas de s’eletritzidade. Giòbia su 10 de freàrgiu, a sas 20 in puntu ant a èssere istudadas  pro 30 minutos sas lughes de su Palàtziu Tzìvivu. Aderende a sa campagna contra su caru bulletas promòvida dae s’Anci, fintzas su Comunu de Casteddu, comente medas àteros comunos italianos, cheret protestare contra sos rincaros graes chi in custas dies sunt ponende in crisi sos bilantzos de entes locales, de sas famìlias e de sas impresas.

Duncas at a aderire fintzas sa Comuna de Casteddu a sa sa protesta contra s’artziamentu de su prètziu de sas bulletas de sa currente chi sunt ponende in ghenugros mescamente sos comunos e sos entes minores. S’initziativa contra su caru bulletas est promòvida dae s’ANCI. A sas 20 in puntu de giòbia su 10 de freàrgiu s’ant a istudare sas lughes de su Palàtziu Tzìvivu.  in sa serada de giòvia 10 freàrgiu.

 “Semus chirchende de istudiare sa manera mègius pro pòdere isfrutare sas oportunidades ofertas dae sos fundos Pnrr — at naradu su sìndigu de Casteddu Paolo Truzzu — pro isvilupare progetos chi càstient a su tempus benidore e imbetzes nos agatemus a dèpere parare fronte a sas cunsighèntzias de su Covid e a su rincaru de sas bulletas.”

“Est una situatzione paradossale a beru– at agiuntu su primu tzitadinu de su capu-logu sardu– De custu fatu nde apo giai faeddadu cun su ministru Enrico Giovannini chi apo addobiadu a Roma pro chistionare de Pnrr pro sa tzitade metropolitana de Casteddu. M’àuguro chi su Presidente Mario Draghi intervèngiat contra su caru bulletas, pro more chi sa situatzione est difìtzile meda. De una banda tenimus oportunidades importantes e dae s’àtera arriscamus de non gestire s’amministratzione ordinària e de dèpere segare sos servìtzios essentziales”.

 “Progetto finanziato con l’Avviso Pubblico IMPRENTAS annualità 2021-2022”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22