Amus a chircare de torrare a abèrrere sas iscolas su 10 de ghennàrgiu. A pustis de sas vacàntzias de Nadale pro s’apretu Omicron, si ant a abèrrere is iscolas in  in Sardigna galu non s’ischit e b’at medas dudas. pro cantu pertocat sa torrada.

«Non bido sa netzessidade de fàghere torrare sos istudiantes a iscola su 7 de ghennàrgiu, diant pòdere torrare a comintzare finas su 10, ma petzi si custas duas dies sunt ùtiles a garantire una torrada in seguridade mancari pro mèdiu de un’operatzione de controllu a campione, sinunca diat èssere petzi una die de vacàntzia in prus — at naradu s’assessore a s’Educatzione Andrea Biancareddu a s’Ansa -. Deo so tra sos chi diat chèrrere chi s’iscola abarret aberta, apo semper pensadu chi sa didàtica a distàntzia potzat èssere discriminatòria pro more chi non totus is istudiantes tenent sos istrumentos pro la sighire comente deus cumandat, ma però creo fintzas chi siat prus realìstica una proa a campione ca a urtimada sos  tampones mancant puru ».

Segundu Biancareddu est pretzisa «una riflessione» e est possìbile «ipotizare una limitatzione de sos servìtzios mensa», est a nàrrere de cussos servìtzios non netzessàrios chi diat pòdere favorire sa condidura tra is istudiantes. Ma a ogna contu  «non podimus pensare in peruna manera a sa serrada de s’iscola, in antis de sos àteros logos,  sende s’iscola no est su logu in ue b’at sos majore contàgios,  e in prus devet èssere garantidu a totus su deretu a s’istùdiu, cosa  chi sa didàtica dae tesu at eliminadu a càusa de sos pagos tretos de sas domos de sos istudiantes. Si sigat in s’operatzione de cumbìnchere  sos non vatzinados a si vatzinare sena pònnere s’òbligu vatzinale».

 “Progetto finanziato con l’Avviso Pubblico IMPRENTAS annualità 2021-2022”

Referendum supra sa zustissia, itte prevedit sa refforma supra sa cale ant a votare sos italianos.

Su 22 e 23 martu sos italianos ant essere giammados a votare pro detzidere si cambiare carchi parte de sa Costituzione in sa parte de su funtzionamentu de sa magistradura.Supra s’ischeda elettorale bi at essere una dimanda meda cumplicada pro itte bi sunt solu sos numeros de sos articulos de sa Costituzione chi ant essere cambiados, chena ispiegare in manera simple cale sunt sas novidades chi si prevedint.

Su referendum no est pro problemas medas chistionados de sa zustissia italiana, comente sos protzessos longos meda o sa mancantzia de pessonale in sos tribbunales. Su votu si cuntzentrat imbetzes supra s’ordiminzassione de sa magistradura e supra sas regulas de su tribagliu de sos magistrados. Sa refforma prevedit tres cambiamentos printzipales e importantes.

Bidimolos. Su primu est s’ispitzigu intre zuighes e pubbricos ministeros. Oe bintrant in sa magistradura cun su mattessi cuncursu e faghent parte de su mattessi assentu. Cun sa refforma sos duos caminos diant essere divididos in manera deffinitiva. Segundu chie agguantat su cambiamentu custa divisione diat faghere divennere su zuighe prus indipendente in su mamentu in su cale devet dezidere si una pessona est innozente o affartada. Chie est contrariu, invetzes, pensat chi su sistema de oe affiantzet giai ecchilibriu e chi ispitzigare de su tottu  sos duos rolos potat creare difficultades novas.

Su segundu puntu est pro su Cunsizzu Superiore de sa Magistradura, s’organu chi si occupat de sas carrieras de sos magistrados. Sa refforma prevedid de lu ispitzigare in duos: unu dedicadu a sos zuighes e unu a sos pubbricos ministeros. Sos partetzipantes diant essere seperados cun d’unu sorteamentu e non prus cun d’una elessione. S’urtimu cambiamentu est pro su sistema chi dezidit pro sas penalidades a sos magistrados. Sa refforma prevedit sa creassione de unu organismu novu chi si diat occupare propriu solu de custos protzedimentos.

Cun su referendum sos tzittadinos ant deppere seperare si mantennere sas regulas de como o faghere custos cambios in su funtzionamentu de sa magistradura italiana. In sas urtimas chidas custas votassiones ant tentu azzesu su cunfruntu politicu e sas animas de sos partidos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22