Votu segretu a su Senadu: su Ddl Zan non colat

Protestas de medas assòtzios pro sa bulladura de su disinnu de lege contra s'omofobia.
canale WhatsApp
Cun su trassa de su votu segretu, su disinnu de lege contra s’omotransfobia non colat in Senadu: 154 is votos in favore de is pregiuditziales postas dae Fratelli d’Italia e Lega, 131 is contrĂ rios e duos is astènnidos.
Su disinnu de lege torrat duncas in Cummissione Giustìtzia dae ue, est difìtzile meda chi bèngiat torrada a propònnere tra ses meses, gosi comente est prevìdidu dae su regulamentu.
Tristu meda Alessandro Zan, primu firmatĂ riu de sa proposta de lege chi pro s’èsitu de su votu in senadu betat sa curpa de s’afossamentu de sa lege a cussos chi, pro meses, a pustis de s’aprovatzione a sa CĂ mera, ant postu fatu a is sirenas sovranistas chi boliant aterrare Ddl Zan. In prus Zan at naradu chi est istadu traitu unu patu polìticu chi boliat fĂ ghere fĂ ghere a su Paisu unu passu de tziviltade.
Contra su disinnu de lege su tzentru-dereta at botadu unidu. In su matessi tempus at fatu discutire s’istrategia adotadu dae su Partidu democrĂ ticu. Su segretĂ riu Enrico Letta, duas dies a oe, aiat donadu incĂ rrigu pròpiu a Zan de tratare cun is Ă teras fortzas polìticas pro valutare unos cantos cambiamentos a sa lege.
Custa abertura a su diĂ logu, diat Ă ere dèpidu sarbare sa lege dae sa protzedura, prevìdida dae su regulamentu, de non passare a s’esĂ mene de is artìculos (sa gosi narada tagliola) chi, però, est istada posta su pròpiu a su Senadu e, fintzas cun su votu segretu.
Custu at permìtidu a is gosi mutidos “francos tiradores” de tènnere s’ampramanu pro votare contra: a contos fatos diant dèpere èssere istados 16 is chi ant ‘traitu’. Custu at causadu meda amargura a s’internu de su Partidu democrĂ ticu e de su tzentrumanca.
In medas sunt discuntentos e narant chi non s’est bòlidu afrontare una chistione acanta su Paisu est meda de prus a in antis de is Ă ulas de su Parlamentu. Su segretĂ riu Enrico Letta, nointames, at bòlidu su reclamare sa bonesa de sa lege e de is isfortzos fatos pro dda portare a in antis.
Fintzas s’ex primu ministru Giuseppe Conte at afirmadu chi s’ItĂ lia at fatu unu passu in segus e non faghet a si bregiare pro su chi est capitadu. A dda pensare in modu diferente est su tzentru-dereta, chi at festadu pro sa bulladura de sa lege.
Ma is assòtzios chi dae annos sunt lutende contra s’omofobia sunt chesciosas e forsis in dies sighentes ant fĂ ghere una manifestatzione de protesta pro su chi est acontèssidu in Parlamentu.
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

© RIPRODUZIONE RISERVATA