Ogna tantu essint a campu istòrias particulares meda, ma de seguru su chi est acontèssidu in s’ispidale de Moncalieri est ispantosu a beru.

Su pòddighe de sa manu de un’òmine ricoveradu est istadu pèrdidu e mai prus agatadu. Custa sa disàura denuntziada dae un’operaju de 57 annos chi est andadu a s’ispidale su 15 de onniasantu 2020 a pustis de èssere abarradu feridu in un’intzidente in su traballu in una fàbrica de sa provìntzia de Cuneo.

Su feridu, a s’intrada in ispidale, aiat intregadu su bucone segadu imboligadu unu tzàpule mèdicu su didu, chi s’aiat segadu pro more de un’intzidente.

A pustis de is medicatziones, sa manu de s’òmine, fiat istada bendada e su 24 de onniasantu sighente, a s’agabbu de un’operatzione in su su Cto de Torinu, s’òmine at iscobertu chi su pòddighe non fiat istadu torradu a pitzigare a sa manu. S’operaju duncas at acusadu s’ispidale de àere pèrdidu su pòddighe suo.

S’operatzione fiat istada rinviada de noe dies, sende chi su malàidu fiat resurtadu positivu a su Covid-19 a pustis de èssere istadu sutapostu a su tampone rinofaringeu.

Su fatu est duncas nche est agabbadu in sa mesa de sa procura de Torinu, chi dd’at archiviada, pro ite un’infermiera de s’ispidale de Moncalieri at ispiegadu chi parte de su pòddighe oramai fiat in cangrena, e duncas non si podiat prus impreare.

Sa legale de s’òmine, abogada Sabrina Di Guardo, at cuntestadu in diversos puntos sas ricostrutziones de is fatos contados dae su personale sanitàriu, sende chi dae su momentu de s’intzidente fiat colada pagu prus de mesora e chi su malàidu fiat un’òmine de orìgines indianas cun sa pedde iscura: “Pro fortza su didu fiat nieddu”.

Sa procura de Asti at abertu un’inchiesta pro iscobèrrere is càusas e is eventuales responsabilidades de s’intzidente.

In su mentres s’òmine, pro more de sa mutzadura a sa manu, diat tènnere dificultade a agatare unu traballu, cun cunsighentes graves problemas econòmicos.

Una situatzione trista meda, chi dipendet dae s’ennèsimu intzidente in su traballu in Itàlia.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Una festa resèssida bene a beru.

Semus chistionende de “Atòngiu in Barbàgia” de sàbudu e domìnigu coladu in Orgòsolo. Sardos e istràngios ant prenu is carreras de sa bidda in provìntzia de Nùgoro.

Nos at prenadu su coro, su de torrare a bìdere totu cussas persones disigiosas de fàghere festa e de connòschere su connotu e su papare de is biddas de sa Barbàgia.

Una bella cosa a pustis de is limitatziones dèpidas a sa pesta de su Covid-19, chi in Sardigna ant corpidu mescamente custas manifestatzione, chi s’annu coladu sunt istadas cantzelladas e in calicunu ocannu puru.

Ph: Roberto Anedda

A s’intrada de sa bidda de Orgòsolo is organizadores ant cómpudadu sa tzertificatzione birde a totus. A bisu nostru una cosa giusta, sende chi est sa seguresa no est mai tropu e non tocat a si fàghere imbrolliare dae is nùmeros bàscios de is cundiduras.

Ph: Roberto Anedda

In mesu de is carreras cun is muros pintados, in medas ant impreadu sa fatzola mancari a s’abertu non siat prus obligatória. Diversu pro in is butegas e in is magasinos, abertos a su pùblicu pro s’ocasione -, acanta sena mascaredda non si podiat intrare.

Ph: Roberto Anedda

Sa gente lòmpida a custu atopu de “Atòngiu in Barbàgia” est andada prus che totu in chirca de cosa de su papare de su logu, comente sa “purputza”, chi est piaghìda a s’ammachiada. Su pròpiu su binu e is ispetzializades agro-pastorales.

Ph: Roberto Anedda

Ant interessadu meda is butegas de su pane e de is tapetes antigos, e in medas sunt intrados a bìdere comente si traballat e a connòschere s’istòria de su berme de seda.

Ph: Roberto Anedda

Bene meda is turronajos, is bendidores de castàngia, de peddes, de arresòrgias e de belludu, chi ant fatu bonu ispatzu. Difatis fatu de is carreras fiant medas is chi portaiant in conca su bonete comporadu pro s’ocasione.

Ph: Roberto Anedda

Però sa cosa prus bella, est istada a bìdere gióvanos e mannos ballare in mesu de sa ruga a sonu de launeddas e fisarmónica su ballu sardu finas a tardu mannu de note.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22