Eletziones amministrativas fissadas domìniga 10 e lunis 11 de mese de ladàmine in Sardigna. Si tratat de is votatziones chi fiant istadas rinviadas, a càusa de su Covid, in beranu.

Sa Giunta at aprovadu sa deliberatzione, proposta dae s’assessore de is Entes Locales Quirico Sanna, chi iscòstiat de una chida respetu a is àteras regiones italianas is operatziones de votu.

Apuntamentu importante pro casi unu tertzu de is comunidades sardas, cun medas esòrdios noos, primos tzitadinos mutidos a sa cunfirma e torradas importantes.

In medas biddas su disafiu at a èssere tra diversos sìndigos, mentras in àteros s’est presentada una lista ùnica, ma comente si siat est importante meda sa possibilidade de afidare a una ghia su benistare de is tzitadinos pro sos imbenientes 5 annos.

In Sardigna 108 comunos sunt mutidos a su votu pro elègere unu sìndigu nou e rinnovare su consìgiu comunale.

Tra is prus populosos ddoe sunt Terranoa, Carbònia, Su Masu, Cabuderra, Biddacidru, Sarrocu, Domusnoas, Dèximu Putzu, Baunei, Durgali, Fonne, Orgòsolo, Orosei, Thiniscole, Marrùbiu, Sènnaru, Bonorva, Conesa, Santu ‘Uanni Sruexu e Sàrdara.

Custu s’elencu cumpletu.

Tzitade Metropolitana de Casteddu: Cabuderra, Su Masu, Sarrocu.

Prov. NU: Aritzu, Baunei, Brevìe, Borore, Cardedu, Durgali, Duarche, Fonne, Gadoni, Loculi, Lotzorai, Orane, Orgòsolo, Orosei, Ovodda, Silanos, Thiniscole, Talana, Tertenia, Triei, Ulassa.

Prov. OR: Albagiara, Bobadri, Bonàrcadu, Cùllieri, Marrùbiu, Nureci, Ollasta, Arriora, Arruinas, Iscanu, Senis, Siris, Solarussa, Tadasune, Tramatza e Biddaubrana.

Prov. SS: Alà, Àldara, Bànari, Benetuti, Bonorva, Boruta, Bultzi, Carzeghe, Codronzanu, Isporalatu, Luras, Maltis, Monteleone, Mores, Muros, Nughedu Santu Nigola, TERRANOA, S’Ulumedu, Sènnaru, Telti, Trinitai e Vignola Trinidade, Tula e Uri.

Prov. SU: Armùngia, Barrali, Buggerru,CARBÒNIA, Dèximu Putzu, Domunoas, Scalepranu, Genuri, Xrexei, Gèsigu, Conesa, Ìsili, Is Pratzas, Masainas, Narcau, Nuragus, Pauli Arbarei, Perdaxus,Santu ‘Uanni Sruexu, Pauli Gerrei, Santu ‘Idu, Santu Andria Frius, Sàrdara, Sèlegas, Serramanna, Setzu, Solèminis, Turri, Biddacidru, Mara Arbarei, Biddanoa de Tulu, Biddanoa Forru, Sa Baronia e Bidda de Sartu.

In tres biddas non sunt istadas presentadas is listas eletorales: Sòrgono (NU), Gonnacodina (OR), Sèneghe (OR) e Zrofoliu (OR).

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Su Casteddu benit sighidu a su segundu minutu de recùperu e istramancat sa prima vitòria in sèrie A de s’istajone.

A pustis de su vantàgiu a su 19 minutu de Keita Balde, is sardos non sunt istados capatzos de serrare sa partida e in su segundu tempus ant subidu sa reatzione de su Venezia chi at paregiadu, cun mèritu, a su 92′ gràtzias a unu tiru de Busio deviadu dae Caceres. Sos casteddajos immoe tenet 3 puntos ebbia, mentras is lagunares sunt a 5.

Mazzarri ischierat su suo 3-5-2 cun Keita e Joao Pedro in atacu, mentras Zanetti rispondet cun su 4-3-3 cun Aramu, Okereke e Johnsen in dae in antis.

Cumintzat bene meda su Casteddu chi pro minutos at apretadu su Venètzia. Deiola nche proat pro duas bias dae foras de s’àrea, ma Maenpaa est semper atentu e non si faghet cullionare.

A su minutu 19 sos sardos movent a contratacu, inghitzadu dae Marin, botza duncas a Nandez chi lompet finas a su lìmite de s’àrea, aberit a dereta acanta Caceres serbit unu traversone pro sa conca de Keita Balde: 1-0 pro is meres de domo.

A pustis de calicunu momentu de confusione, su Venètzia torrat in transa e a su 26′ arriscat su parègiu cando Ebuehi crossat dae dereta pro Johnsen, ma Cragno firmat sa botza, cun s’agiudu de su palu. Palu (esternu) fintzas de Marin, tra is mègius in campu, cando pagu prima de s’agabbu de su primu tempus sobrat e tirat dae su lìmite.

A su 40′ àtera possibilidade sarda dae àngulu, ma Caceres benit antitzipadu dae Aramu in su momentu detzisivu. A su 54′ su Casteddu s’aprèsiat torra a su parègiu, ma cando Nandez crossat in àrea, Keita arribbat in ritardu.

A su minutu 72′ is istràngios a su parègiu ma su tiru deretu de Johnsen acabbat addae de sa porta. Is tècnicos de is duas formatziones faghent unos cantos càmbios pro indanimare is iscuadras issoro. Detzisivos sunt cussos de Zanetti, ca su parègiu a su minutu 92 benit realizadu gràtzias a Forte e Heymans chi iscàmbiant, cross bassu dae sa dereta de custu ùrtimu chi agatat Busio in àrea: deretu e deviatzione detzisiva de Caceres chi trampat a Cragno. Arribbat gasi sa befa pro is sardos, apartos tropu timoriosos in sa segunda parte de sa partida.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22